Gujarati News

અમદાવાદમાં લો ગાર્ડન ખાતે ખાઉં ગલીને કરોડોના ખર્ચે નવી બનાવવામાં આવી છે, જેને હવે હેપ્પી સ્ટ્રીટ નામ આપવામાં આવ્યું છે. ત્યારે શુક્રવારે મુખ્ય મંત્રી વિજય રૂપાણી તેનું લોકાર્પણ કરશે. ત્યારે આ પહેલાં પહેલાં હેપ્પી સ્ટ્રીટને દુલ્હનની જેમ સજાવી દેવામાં આવી છે. આ બજાર અગાઉના ખાણી પીણી બજાર કરતા કંઇક અલગ છે.

આજે અમદાવાદના મેયર બીજલ પટેલ અને મ્યુનિસિપલ કમિશનર વિજય નહેરાએ હેપ્પી સ્ટ્રીટની મુલાકાત લીધી હતી. હેપ્પી સ્ટ્રીટમાં એક બાજુ હેરિટેજ દીવાલ બનાવવામાં આવી છે તે આકર્ષણનું કેન્દ્ર બની છે. ત્યારે બીજી બાજુ એક દીવાલ બાંધવામાં આવી છે જ્યાં વિધાર્થીઓએ વિવિધ પેઇન્ટિંગ તૈયાર કર્યા છે. સાથેજ હેપ્પી સ્ટ્રીટના સમગ્ર વિસ્તારને વિવિધ લાઈટિંગ દ્વારા દુલ્હનની જેમ સજાવી દેવામાં આવ્યા છે.