Gujarati News

Gujarati News

News of Thursday, 6th December 2018

અમદાવાદ કોર્પોરેશન દ્વારા સુકો અને ભીનો કચરો સાથે આપનાર સામે પેનલ્ટી વસુલીને પગલા લેવાશે

અમદાવાદઃ અમદાવાદ મ્યુનિસિપલ કોર્પોરેશને હવેથી સૂકો અને ભીનો કચરો અલગ અલગ લેવાનો નિર્ણય કર્યો છે. પરંતુ કારણે કોર્પોરેશન પાસે જમા થતા કચરામાં ધરખમ ઘટાડો થયો છે. એવરેજ કરતા ટ્રાન્સફર સ્ટેશન પર 20 ટકા ઓછો કચરો પહોંચે છે. દરરોજ અમદાવાદમાંથી 57 લાખ ઘરેથી ડોર-ટુ-ડોર કલેક્શનમાં સરેરાશ 2000 મેટ્રિક ટન ભીનો અને સૂકો કચરો કલેક્ટ કરવામાં આવે છે. એક વરિષ્ઠ અધિકારીએ જણાવ્યું, “કોર્પોરેશને કોન્ટ્રેક્ટર્સને સ્પષ્ટ સૂચના આપી છે કે તે જો ભેગો કચરો લઈ આવશે તો તેમને પેનલ્ટી થશે અને તેમની સામે પગલા ભરવામાં આવશે. કારણે અહીં 350 મેટ્રિક ટન ઓછો કચરો આવે છે.”

આગામી દિવસોમાં કલેક્શન વધશેઃ

પહેલા દિવસે કોર્પોરેશનમાં 125 મેટ્રિક ટન સૂકો કચરો આવ્યો. આંકડો વધીને 130 મેટ્રિક ટન પર પહોંચ્યો છે. કોર્પોરેશનનું માનવુ છે કે આગામી દિવસોમાં કચરો છૂટો પાડીને આપવાનું પ્રમાણ વધશે. દરમિયાન ઘણી સોસાયટીઓએ તેમના રહેવાસીઓને કચરો અલગ તારવવાનું જણાવ્યું છે. સેટેલાઈટમાં સ્વચ્છતા કર્મીઓએ રહેવાસીઓને માત્ર છૂટો પાડેલો કચરો લેવાનું જણાવ્યું છે. જો કે રહેવાસીઓ હજુ પણ AMC દ્વારા કચરા ટોપલી અપાય તેની રાહ જોઈ રહ્યા છે.

એક મહિનો કેમ્પેઈનઃ

કોર્પોરેશને ભીનો અને સૂકો કચરો અલગ અલગ લેવાનું ચાલુ કર્યું પહેલા એક મહિનો કેમ્પેઈન ચલાવ્યું હતું. તેમાં 40,000 જેટલા કોર્પોરેશનના કર્મચારીઓએ ઘર, ગાર્ડન અને જાહેર જગ્યાઓએ અંગે જાગૃતિ ફેલાવી હતી. એક અધિકારીએ જણાવ્યું કે, સૌથી વધારે છૂટો પડાયેલો (લગભગ 30,000 કિલો) કચરો વાસણા વિસ્તારમાંથી જમા કરાવાયો હતો. સૌથી વધુ ભીનો કચરો વટવા વિસ્તારમાંથી (2.3 લાખ કિલો) જમા થયો હતો. સૌથી ઓછો છૂટો પડાયેલો કચરો પોળ વિસ્તારમાંથી અપાયો હતો. ખાડિયા મટિરિયલ્સ રિકવરી ફેસિલીટીએ માત્ર 85,000 કિલો છૂટો પડાયેલો કચરો જમા કર્યો હતો. રખિયાલ વિસ્તારમાંથી 95,000 કિલો છૂટો પડાયેલો કચરો જમા કરાવ્યો હતો. વસ્ત્રાલમાંથી 1 લાખ કિલો કચરો જમા થયો હતો.

(5:07 pm IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • ભાવનગરના વરતેજ પાસે ગેરકાયદેસર દબાણ હટાવવાની કામગીરી શરૂ : પોલીસ કાફલો ધટનાસ્થળે : કોંગ્રેસના આગેવાનો પણ દોડી આવ્યા : દબાણ હટાવાનુ બંધ કરાવવા કોંગ્રેસ નેતા દોડી આવ્યા : નોટિસ વિના દબાણ હટાવવા આવ્યા હોવાનો અાક્ષેપ access_time 11:24 pm IST

  • સુરત :જાપાની કંપની ઝીકાના અધિકારી આવતીકાલે સુરત અને નવસારીના ખેડૂતોની કરશે મૂલાકાત :બુલેટ ટ્રેન અને જમીન સંપાદન મુદ્દે ઝીકા કંપનીના આધિકારી ગુજરાત ખેડૂત સમાજ સાથે પણ કરશે ચર્ચા access_time 2:39 pm IST