Gujarati News

(ભરત શાહ દ્વારા) રાજપીપળા : રાજપીપળા શહેરમાં તંત્ર દ્વારા ફરતી કરાયેલી એક પ્રચાર રીક્ષા માં કરાયેલી જાહેરાત મુજબ દરેક લારી,ગલ્લા, દુકાનોમાં ધંધો કરતા વેપારીઓ કે 45 થી વધુ ઉંમરના વેપારીઓ એ કોવિડ ટેસ્ટ અને રસીકરણ ફરજીયાત કરાવવાનો રહેશે જેમાં જે વેપારીઓ પાસે કોરોના નો નેગેટીવ રિપોર્ટ અવ્યાનુ સર્ટી હશે અને રસી લીધી હોવાના પુરાવા હશે તે જ વેપારીઓ ધંધો કરી શકશે બાકીના વેપારીઓ ધંધો નહિ કરી શકે તેવી રિક્ષામાં જાહેરાત થતાંજ રાજપીપળા બજારના ઘણા વેપારીઓમાં ભારે રોષ જોવા મળ્યો હતો ત્યારબાદ મીડિયાએ આ બાબતની નોંધ લેતા જ તંત્રએ ફેરવી તોડ્યું હતું.અને રેકોર્ડિંગમાં ભૂલ થઈ હોવાનું જણાવી પોતાનો લુલો બચાવ કર્યો હતો.