Gujarati News

અમદાવાદઃ અમદાવાદ નજીક આવેલ સાણંદ પોલીસ સ્ટેશન વિસ્તારમાંથી એક યુવતીની લાશ મળી આવતા ચકચાર જાગી છે સાણંદ પાસે આવેલ તેલાવ કેનાલમાં એક લાશ તરી રહી છે જેથી પોલીસ ત્યાં પહોંચી તપાસ કરી તો એક યુવતીની લાશ હોવાનુ સામે આવ્યુ છેં.

  પોલીસે જ્યારે યુવતીની લાશને બહાર કાઢી તો પોલીસ પણ ચોંકી ગઈ હતી કારણ કે યુવતીના હાથ દોરડાથી બાંધેલા હતા અને પગ પણ બાંધેલા હતા. જેથી પોલીસ શંકા હતી કે આ યુવતીની કોઈએ હત્યા કરી કેનાલમાં ફેંકી દીધી
  સાણંદના પી આઈ જે.આર.ઝાલાનુ કહેવુ છે કે હાલ તો અમે લાશનુ પેનલ પીએમ કરાવી રહ્યા છીએ. પોલીસના કહેવા પ્રમાણે આ યુવતીની ઉમર આશરે 30 વર્ષની લાગી રહી છે. પોલીસે અત્યારે એ તપાસ શરુ કરી છે કે છેલ્લા એકાદ દિવસમાં કોઈ ગુમ થયુ છે કે કેમ કારણ કે આ યુવતી કોણ છે તે પણ પોલીસને ખ્યાલ નથી. પરંતુ પોલીસનુ એવું કહેવું છે કે આ કપડા ઉપરથી એવુ લાગે છે કે આ કોઈ સારાઘરની યુવતી હોઈ શકે છે. અને આ હત્યા પણ થોડાક કલાકો પહેલા થયા હોય તેવું લાગી રહ્યું છે. જેથી પોલીસે હાલ તો લાશનું પોસ્ટ માર્ટમ કરાવી રહી છે. અને જ્યારે આ યુવતીની ઓળખ થઈ જશે ત્યાર બાદ આ લાશ પાછળની હકીકત શું છે તે જાણી શકાશે.વધુ મળતી માહિતી પ્રમાણે પોલીસે હત્યાની ફરિયાદ નોંધી છે.