Gujarati News

રાજકોટઃ ગુજરાતમાં ઓખી વાવાઝોડાની સંભાવનાના પગલે વાતાવરણમાં એકદમ ઠંડક વ્યાપી ગઇ છે. સંભવીત કુદરતી આપતિના સામના માટે સૈન્ય અને સરકારના વિભાગો એકદમ એલર્ટ થઇ ગયા છે. આ અંગે રાજયના મુખ્ય સચિવ શ્રી જે.એન.સિંઘને પુછતા તેમણે અકિલા સાથેની વાતચીતમાં જણાવેલ કે ડીપ્રેશન છે. મોટા વાવાઝોડાની સંભાવના અત્યારે દેખાતી નથી છતા એન.ડી.આર.એફ. બી.એસ.એફ. તેમજ તમામ જિલ્લા કલેકટરો અને સબંધીત તમામ વિભાગોને વૈકલ્પીક વ્યવસ્થા સાથે સાબદા કરી દેવામાં આવ્યા છે.