Gujarati News

ગાંધીનગર તા. પઃ રાજયસભામાં ૩૭૦મી કલમની સમાપ્તીની ગૃહમંત્રી અમિતભાઇ શાહે જાહેરાત કરતા સર્વત્ર ખુશાલી છવાઇ ગઇ છે ત્યારે મુખ્યમંત્રીશ્રી વિજયભાઇ રૂપાણીએ ટ્વિટર કરીને આ નિર્ણયને આવકાર્યો છે.

મુખ્યમંત્રી શ્રી વિજયભાઇ રૂપાણીએ જણાવ્યું હતું કે, ભારતના વડાપ્રધાન શ્રી નરેન્દ્રભાઇ મોદી અને ગૃહમંત્રીશ્રી અમિતભાઇ શાહએ જમ્મુ-કાશ્મીરમાંથી કલમ-૩૭૦ હટાવવાના ઐતિહાસિક અને સાહસિક નિર્ણય માટે અભિનંદન.

વિજયભાઇ રૂપાણીએ વધુમાં કહ્યુ઼ કે, કાશ્મીર ભારતનું મુગટ છે અને આજનો ઐતિહાસિક દિવસ ભારતનાં સ્વર્ણિમ ઇતિહાસનો એક મહત્વપૂર્ણ અધ્યાય બનશે. આ નિર્ણય શ્યામાપ્રસાદ મુખરજીને સાચી શ્રદ્ધાંજલી છે.