Gujarati News

તાપી જિલ્લામાં મોસમનો 75 ટકાથી વધુ વરસાદ વરસી ચુક્યો છે. જેને પગલે જિલ્લામાં જળબંબાકારની પરિસ્થિતિ સર્જાઈ છે. સોનગઢ ,ઉચ્છલ અને વ્યારામાં સૌથી વધુ વરસાદ વરસી ગયો છે. વ્યારામાં બાર કલાકમાં છ ઇંચ જેટલો વરસાદ વરસતા વ્યારા નગરની પરિસ્થિતિ વણસી છે.

નીચાણવાળા વિસ્તારોમાં પાણી ભરાયા છે. વ્યારાના બાયપાસ હાઇવે પર આવેલા રોડ રસ્તા અને સોસાયટીઓ પાણીમાં ગરકાવ થઇ ગયા હતા. પાણીમાં ફસાયેલા 15 જેટલા લોકોને બચાવામાં આવ્યા હતા.