Gujarati News

દક્ષિણ ગુજરાતમાં અનેક ગામો બેટોમાં ફેરવાયા છે.ધોધમાર વરસાદની સૌથી વધુ અસર નવસારી અને વલસાડ જિલ્લામાં જોવાઈ છે. નવસારીમાં અનેક ગામો પાણીમાં ડૂબી ગયા છે. જેમને રેસ્ક્યૂ કરવા માટે એનડીઆરએફની ટીમ ખડેપગે છે. એક ગામમાં રેસ્ક્યૂ કરવા માટે ગયેલી એનડીઆરએફની ટીમને પોતે રેસ્ક્યૂ માટે મદદ માગવી પડી હતી.

  નવસારી જિલ્લાના ગણદેવી તાલુકાના વાંગરી ગામે વરસાદી પાણીમાં પાંચ લોકો ફસાયા હતા. જેમને બચાવવા માટે એનડીઆરએફની ટીમ ગામમાં પહોંચી હતી. પણ અહીં ગામમાં પાણીના ધસમસતાં પ્રવાહ વચ્ચે એનડીઆરએફની ટીમ જ ફસાઈ ગઈ હતી. આમ રેસ્ક્યૂ કરવા માટે પહોંચેલી એનડીઆરએફની ટીમને રેસ્ક્યૂ માટેની જરૂર પડી હતી.