Gujarati News

(ભરત શાહ દ્વારા) રાજપીપળા : હાલ ઘણા દિવસથી ચાલી રહેલા કેવડિયા છ ગામના અસરગ્રસ્તોના ઘર્ષણનો મામલો દિવસે દિવસે ઉગ્ર બનતો જઈ રહ્યો છે જેમાં પોલીસ અને ગામના લોકો વચ્ચે વારંવાર ઘર્ષણ ઉભું થાય છે. આ મામલે પી.એમ. મોદી સુધી પણ ફરિયાદ કક્રાઇ છે પરંતુ સ્થાનિક રાજકીય આગેવાનો માં ભરૂચ સાંસદ મનસુખભાઇ વસાવા આ મામલે કેમ ચૂપ છે તેમ કહી ગત તારીખ 2 જૂન ની સાંજે મનસુખભાઇ પર મો.નં ૬૩૦૩૯૪૯૯૧૭ ઉપરથી વાત કરનાર ભાગ્યેશ વસાવા તથા અન્ય એક વ્યક્તિ એ ધમકી આપી હોવાની ફરિયાદ ખુદ સાંસદ મનસુખભાઇ એ રાજપીપળા પો.સ્ટે.માં કરી છે.

  ફરિયાદ માં જણાવ્યા મુજબ ગત તારીખ 2 જૂન ની સાંજે મનસુખભાઇ પર મો.નં ૬૩૦૩૯૪૯૯૧૭ ઉપરથી વાત કરનાર ભાગ્યેશ વસાવા તથા અન્ય એક વ્યક્તિ એ જણાવ્યું કે કેવડીયા આદિવાસી ઓ ઉપર તમારી સરકાર જુલ્મ ગુજારે છે તમે ચુપ કેમ છો ? તમને અને ગણપત રબારી ને તીરથી વીંધી નાંખીશુ અને પાળીયાથી ટુકડા ટુકડા કરી દઇશુ તેમ કહી ગમેતેમ ગાળો બોલી ધમકી આપી ગભરાટ ફેલાવતા મનસુખભાઇ વસાવા એ ધમકી બાદ ગતરોજ રાજપીપળા પો.સ્ટે.માં ભાગ્યેશ વસાવા અને અન્ય એક વ્યક્તિ વિરુદ્ધ ફરિયાદ નોંધવતા પોલીસે આ બંને વિરુદ્ધ ગુનો દાખલ કરી તપાસ હાથ ધરી છે. તપાસ ટાઉન પી.આઈ. આર.એન.રાઠવા કરી રહ્યા છે