Gujarati News

Gujarati News

News of Tuesday, 5th June 2018

રખિયાલ : વાહન અકસ્માત બાદ થયેલી જૂથ અથડામણ

રખિયાલ વિસ્તારનો મોડી રાતનો બનાવ : એક કોમના બે જૂથ તલવારો, છરી લઇ રસ્તા પર ઉતરી આવ્યા : ઇજાગ્રસ્ત ૩ જણાંને હોસ્પિટલમાં દાખલ કરાયા

અમદાવાદ,તા.૫ : શહેરના રખિયાલ વિસ્તારમાં ગઇકાલે મોડી રાતે બે વાહનો વચ્ચે થયેલા અકસ્માત બાદ એક જ કોમનાં બે જૂથ તલવારો અને છરીઓ લઇને આમને સામને આવી જતાં મામલો બીચક્યો હતો. મોડી રાતે બે જૂથ વચ્ચે ધારદાર હથિયાર સાથે થયેલી જૂથ અથડામણની આ બબાલમાં ત્રણ વ્યકિતઓને ગંભીર ઇજા પહોંચતાં તેમને સારવાર માટે હોસ્પિટલમાં ખસેડવામાં આવ્યા હતા. આ બનાવ અંગે પોલીસે ઘટનાસ્થળે પહોંચી વધુ તપાસ હાથ ધરી હતી. આ બનાવની વિગત એવી છે કે, રખિયાલ વિસ્તારમાં મોઇન નામના યુવકનો એક વાહન સાથે અકસ્માત થયો હતો. આ અકસ્માતમાં બરજી આલમ અને સરફરાઝ નામની વ્યકિત સમાધાન કરાવવા માટે ગઇ હતી. અકસ્માતમાં સમાધાન થઇ જતાં બન્ને જણા જાહેર રોડ પર ઊભા હતા તે સમયે મોઇનના મામા જાવેદ લંગડો, સોહેલ, શાહનવાઝ હૈદર, જિશાન હૈદર, લઇક અને અન્ય એક યુવક હાથમાં તલવારો અને ચપ્પાઓ લઇને આવ્યા હતા. સરફરાઝ અને બરજી કોઇપણ વાતચીત કરે તે પહેલાં દોડી આવેલા તમામ લોકોએ સરફરાઝના ગુદાના ભાગે ચપ્પાના ત્રણ ઘા ઝીંકી દીધા હતા. બરજી આલમ સરફરાઝને બચાવવા વચ્ચે પડતા તમામ લોકોએ બરજી ઉપર પણ તલવાર વડે હુમલો કર્યો હતો. આ ઘટના જોઇને બરજી આલમના સંબંધી તલવાર અને ચપ્પા લઇને દોડી આવ્યા હતા અને જિશાનને માથામાં ચપ્પાનો ધા ઝીકી દીધો હતો. આ ઘટનામાં બન્ને તરફે ત્રણ વ્યકિતઓને ગંભીર ઇજા પહોંચતા સારવાર હોસ્પિટલમાં ખસેડવામાં આવ્યા હતા. જૂથ અથડામણને પગલે સમગ્ર વિસ્તારમાં વાતાવરણ તંગ બની ગયુ હતુ અને સ્થાનિકોમાં ફફડાટની લાગણી ફેલાઇ ગઇ હતી. રખિયાલ પોલીસને ઘટના અંગેની જાણ થતાં તે તાત્કાલીક ઘટના સ્થળે પહોંચી ગઇ હતી. પોલીસે ૧૦ લોકો વિરૂધ્ધ ફરિયાદ નોંધીને તપાસ શરૂ કરી છે. રખિયાલ પોલીસ સ્ટેશનના પીઆઇ બી.વી.જાદવે જણાવ્યું હતું કે, બન્ને પક્ષે જૂની અદાવત હતી. જેને લઇને ગઇકાલે આ બબાલ થઇહોવાનું સામે આવ્યું છે. તો બીજી તરફ અન્ય એક બનાવમાં, વટવા જીઆઇડીસીમાં આવેલ ભાવદીપ સોસાયટીમાં રહેતા સુમિત પંચાલ અને તેનો મિત્ર ઉમંગ મણિનગર કાંકરિયા ખાતે નાસ્તો કરવા માટે આવ્યા હતા. તે સમયે ખોખરા વિસ્તારમાં આવેલ ડુંગરજીની ચાલીમાં રહેતો સાવન ભાટિયા અને તેના બે મિત્રો બન્ને જણાને બોલાવ્યા હતા. ઉમંગ અને સુમિત તેમની પાસે ગયા ત્યારે સાવને તેમને કહ્યુ કે બહુ ફોર્મમાં ચાલો છે.

 

સાવને તેની પાસે રહેલી છરી કાઢી હતી અને સુમિત અને ઉમંગને મારી દઇને નાસી ગયો હતો. આ બનાવ અંગે મણિનગર પોલીસ તપાસ હાથ ધરી છે.

(7:40 pm IST)
  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST