Gujarati News

Gujarati News

News of Tuesday, 4th May 2021

વડોદરાના કરજણ તાલુકામાં કલ્લાં ગામે ગુટકાની બંધાણી યુવતીને ગુટકા ન મળતા ફિનાઈલ પી આત્મહત્યાનો પ્રયાસ કરતા ચકચાર

વડોદરા:શહેરના કરજણ તાલુકામાં કલ્લા ગામે ગુટકાની બંધાણી યુવતીને ગુટકા નહી મળતા ફિનાઇલ પીને આત્મહત્યાનો પ્રયાસ કર્યો હતો.

અંગેની વિગત એવી છે કે કલ્લા ગામે બાપુવાળા ફળિયામાં રહેતા અજીતભાઇ ચૌહાણની ૨૪ વર્ષની પત્ની ફરજાના ગુટકાની બંધાણી હતી તેમજ હાલમાં લોકડાઉન જેવી સ્થિતિના કારણે ગુટકા નહી મળતા તે નારાજ થઇ ગઇ હતી અને બપોરના સુમારે ઘરમાં મૂકેલ ફિનાઇલની દવા પી લીધી હતી.

ફિનાઇલની અસર થતાં ફરજાનાએ બૂમાબૂમ કરી હતી અને તેના સસરા તાત્કાલિક સારવાર માટે પ્રથમ પાલેજ સરકારી દવાખાને લઇ ગયા હતા બાદમાં ભરૃચ ખાતેની હોસ્પિટલમાં ખસેડાઇ છે. ઉલ્લેખનીય છે કે ફરજાનાનો લગ્નગાળો એક વર્ષનો છે તેમજ કોઇ સંતાન પણ નહી હોવાથી  પોલીસ દ્વારા કાયદેસરની કાર્યવાહી હાથ ધરાઇ છે.

(5:21 pm IST)
  • કર્ણાટકમાં કોરોના કેસનો આંક પ્રથમ વખત ૫૦ હજારને વળોટી ગયો કર્ણાટકમાં પ્રથમ વખત ૫૦ હજાર ઉપર નવા કેસ નોંધાયા, ૨૬૮૪૧ સાજા થયા અને છેલ્લા ૨૪ કલાકમાં ૩૪૬ મૃત્યુ થયા છે. access_time 9:34 pm IST

  • મહારાષ્ટ્રના મુખ્યમંત્રી ઉદ્ધવ ઠાકરે આજે રાત્રે 8.30 કલાકે ફરી રાજ્યને સંબોધન કરશે. (ન્યૂઝફર્સ્ટ) access_time 7:41 pm IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST