Gujarati News

રાજકોટ :  રાજય પોલીસ તંત્રમાં ચૂંટણીઓ જાહેર થાય તે પહેલા વધુ ને વધુ પી.એસ.આઇ. પી.આઇ.ની બદલી કરવાની મોસમ પુરબહારમાં ખીલી છે.  રર પી.એસ.આઇ.ના બદલી હુકમના પગલે ૭ જેટલા પોલીસ ઇન્સપેકટરોની બદલીઓ કરી તેઓને તાકીદે છૂટા કરવા  રાજયના પોલીસ વડા શિવાનંદ ઝા દ્વારા હુકમ કરવામાં આવ્યો છે. જેઓની બદલી થઇ છે તેમાં  સીઆઇડી ક્રાઇમ અને રેલ્વે(ગાંધીનગર) ના  કે.કે.ઝાલા-જુનાગઢ, સીઆઇડી આઇબી ના વી.કે.પટેલ, તથા વી.એચ.જોષી - રાજકોટ રૂરલ, બોટાદના જે.એમ.સોલંકી- અમદાવાદ, ગાંધીનગરના ડી.એ. ચૌધરી- મહીસાગર, અમદાવાદ શહેરના એન.એમ.પટેલ- મહીસાગર, તથા અમદાવાદ રૂરલના  વી.એસ. માંઝરીયાને ગાંધીનગર મુકતો હુકમ કરવામાં આવ્યો છે. આમ બદલી મોસમ પુરબહારમાં ખીલી છે.