Gujarati News

Gujarati News

News of Friday, 4th December 2020

સુરત :કોરોનાનો કેર યથાવત, શહેર-જિલ્લામાં નવા 249 કોરોના પોઝિટિવ નોંધાયા

શહેરના નવા 212 અને જિલ્લાના નવા 37 દર્દીઓ ઉમેરાયા : હાલ 1778 દર્દીઓ સારવાર હેઠળ

સુરત : રાજ્યના સુરત શહેર-જિલ્લામાં છેલ્લા 24 કલાકમાં નવા 249 કોરોના ગ્રસ્ત દર્દીઓ નોંધાયા છે. જેમાં શહેરના નવા 212 અને જિલ્લાના નવા 37 દર્દીઓનો સમાવેશ થાય છે. શહેરમાં નવા 212 કોરોના ગ્રસ્ત દર્દીઓ સાથે શહેરમાં અત્યાર સુધીનો 32,995 પર પહોંચ્યો છે.જયારે જિલ્લામાં નવા 37 દર્દીઓ સાથે કુલ આંક 11,671 પર પહોંચ્યો છે. આથી, શહેર-જિલ્લામાં કોરોના ગ્રસ્ત દર્દીઓનો કુલ આંક હવે 44,666 પર પહોંચ્યો છે.છેલ્લા 24 કલાકમાં 2 દર્દીઓના મોત સાથે મૃતકોનો કુલ આંક 1070 પર પહોંચ્યો છે. જેમાં, શહેરના 788 તેમજ જિલ્લાના 282 મૃતકોનો સમાવેશ થાય છે. છેલ્લા 24 કલાકમાં સુરત શહેરમાં 212 અને જિલ્લામાં 48 દર્દીઓને ડિસ્ચાર્જ આપવામાં આવતા શહેર-જિલ્લામાં અત્યાર સુધીમાં ડિસ્ચાર્જ આપવામાં આવેલા દર્દીઓનો કુલ આંક 41, 818 પર પહોંચ્યો છે. જેમાં, જિલ્લાના કુલ 10,860 ડિસ્ચાર્જ દર્દીઓનો સમાવેશ થાય છે. હાલ 1778 એક્ટિવ દર્દીઓ સારવાર હેઠળ છે.

(9:46 pm IST)
  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST

  • ઉત્તર પ્રદેશમાં ' લવ જેહાદ ' નો બીજો કેસ : શબાબ નામક મુસ્લિમ યુવકે રાહુલ નામ ધારણ કરી હિન્દૂ યુવતીને પ્રેમજાળમાં ફસાવ્યાનો આરોપ : 1 ડિસેમ્બરના રોજ લગ્ન થવાના હતા : 30 નવેમ્બરથી યુવક યુવતી બંને ગૂમ : આ અગાઉ બરેલી જિલ્લામાં પ્રથમ કેસ બન્યો હતો : બંને કેસમાં પોલીસ તપાસ ચાલુ : જો ગુનો પુરવાર થાય તો 10 વર્ષની જેલસજા અને 50 હજાર રૂપિયા દંડ થઇ શકે access_time 1:46 pm IST

  • મોડી રાત્રે વાવાઝોડાની અસર રૂપે તામિલનાડુમાં ઠેરઠેર અતિભારે વરસાદ પડી ગયો છે ચેન્નાઈમાં આવતીકાલે સવાર સુધી અતિભારે વરસાદની આગાહી થઈ છે જ્યારે તામિલનાડુમાં સોમવાર સુધી વરસાદ વરસતો રહેશે તેવી ધારણા છે access_time 11:50 pm IST