ગાંધીનગર તા.૪: મુખ્યમંત્રી શ્રી વિજયભાઇ રૂપાણીએ રાજય સરકારના વિભાગો અને જનહિત સેવાઓ સાથે સંકળાયેલા તમામ વિભાગોના સ્ટ્રોન્ગ ડેટાબેઇઝથી સરકારી તંત્રની કાર્યપધ્ધતિનું એક જ ડેશ બોર્ડ સી.એમ. ડેશ બોર્ડ પરથી સધન મોનિટરીંગ કરવાની પ્રતિબધ્ધતા દોહરાવી છે.
મુખ્યમંત્રીશ્રીની પ્રેરણા અને માર્ગદર્શનથી ગત વર્ષે તા. ૪ થી મે-ર૦૧૮ના શરૂ કરાયેલા સી.એમ. ડેશ બોર્ડની સફળતાનું એક વર્ષ પૂર્ણ થવા અવસરે શ્રી વિજયભાઇ રૂપાણીએ પ્રચાર માધ્યમો સાથે સંવાદ કર્યો હતો.
મુખ્યમંત્રીશ્રીના અગ્ર સચિવ શ્રી એમ. કે. દાસ પણ આ વેળાએ જોડાયા હતા.
તેમણે કહ્યું કે, સસ્ટેઇનેબલ ડેવલપમેન્ટ પ્રવર્તમાન સમયની માંગ છે અને નાનામાં નાના માનવીની રજૂઆતના સત્વરે નિવારણ માટે આવી ટ્રેકિંગ પધ્ધતિ આવશ્યક બની છે.
તેમણે સી.એમ. ડેશ બોર્ડનો વ્યાપ વિસ્તારીને તાલુકા સ્તર સુધીના અદના અરજદારની રજૂઆત પણ સીધી મુખ્યમંત્રી કક્ષાએથી મોનિટરીંગ થાય તેવી નેમ વ્યકત કરી હતી.
મુખ્યમંત્રીશ્રીએ સી.એમ. ડેશ બોર્ડની પ્રથમ વર્ષની સફળતાની ભુમિકા આપતાં કહ્યું કે રાજય સરકારની પ્રજાલક્ષી સેવાઓમાં ગુણવત્ત્।ા વધી છે તથા સુખાકારીના કામો ઝડપથી પૂર્ણ થયા છે. એટલું જ નહિ, પેન્ડન્સી લેવલ નીચું આવ્યું છે. સરકારના અધિકારીઓ જવાબદેહ બન્યા છે.
આ ટેકનોલોજી આધારિત સંપુર્ણ વ્યવસ્થા ઝીરો કોસ્ટીંગથી એટલે કે સરકારના જ વિભાગોએ વિકસાવેલી છે અને ગાંધીનગર બેઠાં જિલ્લા કક્ષાની વિગતો, વિભાગોની કામગીરીની માહિતી મેળવી શકાય છે એમ તેમણે ઉમેર્યુ હતું.
મુખ્યમંત્રીશ્રીએ સી.એમ. ડેશ બોર્ડના નવા આધુનિક તકનીકયુકત ર.૦ વર્ઝનની હવે શરૂઆત થવાની છે તેની છણાવટ કરતાં જણાવ્યું કે અગાઉ ૧૭૦૦ જેટલા ઇન્ડીકેટરના સ્થાને હવે ૩ હજારથી વધુ ઇન્ડીકેટર્સ આ ડેશ બોર્ડના કાર્યક્ષેત્રમાં જોડવાના છીયે.
તેમણે આવનારા દિવસોમાં પોલીસ સ્ટેશનથી માંડીને રેશનકાર્ડ સુધીની બધી સેવાઓ ઓનલાઇન કરીને પારદર્શી પ્રશાસનની સ્ટ્રીમ લાઇન વ્યવસ્થા વિકસાવવાની મનસા વ્યકત કરી હતી.
મુખ્યમંત્રીશ્રીએ આ વેળાએ સ્પષ્ટ કહ્યું કે, સી.એમ. ડેશ બોર્ડ પરના જે વિભાગો છે તે વિભાગોને પ્રજાલક્ષી કામગીરી અને લક્ષ્યાંક સિધ્ધિ માટે સ્ટાર રેટિંગ આપવાની નવતર પહેલથી સ્પર્ધાનું વાતાવરણ બનશે જે સરવાળે સુશાસનની સંકલ્પબધ્ધતાને વધુ સંગીન બનાવશે.
તેમણે સી.એમ. ડેશ બોર્ડ સરકારનું ત્રીજું નેત્ર થર્ડ આઇ બન્યું છે એમ પણ ઉમેર્યુ હતું.
મુખ્યમંત્રીશ્રીએ સી.એમ. ડેશ બોર્ડની એક વર્ષની સિધ્ધિની વિગતો આપતાં વધુમાં જણાવ્યું કે, ડેટા કલેકશનના વ્યાપમાં ૧૯૬ સ્થાનેથી વધીને પ૬૩ સ્થાનો, ૧રપ ઓથોરિટીને બદલે ૧ર૦૦ ઓથોરિટી આવરી લેવાઇ છે. પ્રગતિ ગુજરાત અંતર્ગત ૪પ૦ને સ્થાને હવે ૧૬પ૦ પ્રોજેકટ મોનિટરીંગ થાય છે.
અત્રે એ નિર્દેશ કરવો જરૂરી છે કે, આ કમાન્ડ કંટ્રોલ યુનિટ દ્વારા પાંચ ''C'' એટલે કે કમાન્ડ, કંટ્રોલ, કોમ્પ્યુટર, કોમ્યુનિકેશન અને કોમ્બેટના સમગ્ર કાર્યફલકથી રાજય સરકારના વિભાગોની કામગીરી મોનિટરીંગ થાય છે.
એટલું જ નહિ રિયલ ટાઇમ પરફોમન્સ મેઝરિંગ સિસ્ટમ સાથે રાજય, પ્રદેશ, જિલ્લા કક્ષા સુધીનું પરફોમન્સ મોનિરટીંગ પણ સદ્યન બન્યું છે. લોકોને મળતી સેવાઓનું ડિઝીટાઇઝેશન થતાં પારદર્શી પધ્ધતિએ લોકોને લાભ મળતા થયા છે.
સી.એમ. ડેશ બોર્ડને પરિણામે ચ્ ધરા, સિટી સર્વે જેવા ક્ષેત્રોમાં દાખલાઓ આપવાની પેન્ડસીમાં માતબર દ્યટાડો થયો છે. આયુષ્યમાન ભારત તહેતના લાભાર્થી ર૬ લાખથી વધીને ૪૩ લાખ થયા છે અને સોઇલ હેલ્થકાર્ડની સંખ્યા ૩૭ લાખે પહોચી છે.
મુખ્યમંત્રીશ્રીએ સી.એમ. ડેશ બોર્ડની આ પ્રથમ વર્ષની સફળતામાં સહયોગી સૌ કમર્યોગીઓને અભિનંદન પાઠવ્યા હતા.
મુખ્યમંત્રીશ્રીના ઓ.એસ.ડી. શ્રી ડી. એચ. શાહે સી.એમ. ડેશ બોર્ડનો હેતુ સ્પષ્ટ કર્યો હતો. ઉપ સચિવ શ્રી હિતેશ ગોહિલે પ્રભાવક પ્રેઝન્ટેશન કર્યુ હતું.
.png)
છેલ્લા 8 દિવસમાં સૌથી લોકપ્રિય
મુખ્ય સમાચાર
સૌરાષ્ટ્ર કચ્છ
દેશ-વિદેશ
ખેલ-જગત
ફિલ્મ જગત