Gujarati News

Gujarati News

News of Tuesday, 3rd December 2019

CBSEએ ધો.10 અને 12ની પરીક્ષા પેટર્નમાં કર્યો ધરખમ ફેરફાર:વર્ષ 2019-20 થશે લાગુ

હવે દરેક વિષયના પેપરમાં 25 ટકા વૈકલ્પિક પ્રશ્નોનો ઉમેરો :પાસ થવા માટે 33 ટકા ગુણ મેળવવા જરુરી

 

અમદાવાદ : CBSE દ્વારા ધો.10 અને ધો. 12ની પરીક્ષાના પેપરની પેટર્નમાં બદલાવ કરવામાં આવ્યો છે. હવે દરેક વિષયના પેપરમાં 25 ટકા વૈકલ્પિક પ્રશ્નોનો ઉમેરો કરવામાં આવ્યો છે. વિદ્યાર્થીઓની સમજણશક્તિ વધે તે માટે નિર્ણય લેવાયો હોવાનું જાણવા મળી રહ્યું છે.

સંસદમાં પૂછવામાં આવેલાં પ્રશ્નમાં માનવ સંસાધન વિકાસ મંત્રી રમેશ પોખરિયાલે જવાબ આપ્યો કે CBSE 2019-20થી પરીક્ષાની પેટર્નમાં બદલાવ કર્યો છે. દરેક પ્રશ્નપત્રમાં 20 ટકા વૈકલ્પિક પ્રશ્નો અને 10 ટકા ક્રિએટીવ પ્રશ્નો રાખવામાં આવશે. સિવાય વિદ્યાર્થીઓને ઈન્ટરનલ ઓપ્શન પણ મળી શકશે.

CBSE અગાઉ પણ જાહેરાત કરી હતી કે પેટર્નમાં બદલાવ થઈ શકે છે. સિવાય ધો.10ના વિદ્યાર્થીઓને કોઈપણ વિષયમાં પાસ થવા માટે 33 ટકા ગુણ મેળવવા જરુરી છે. જે વિદ્યાર્થીઓ 12માં ધોરણમાં છે તેઓએ પણ પ્રેક્ટીકલ, થીયરી અને ઈન્ટરનલ એસેસમેન્ટમાં 33 ટકા ગુણ પાસ થવા માટે જરુરી છે. ધો. 12ની પરીક્ષામાં 70 ગુણનું પ્રશ્નપત્ર હોય તો 23 અને 80 ગુણ હોય તો 26 ગુણ પાસ થવા માટે મેળવવા જરુરી છે

(12:31 am IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • આણંદમાં એન્ટી કરપ્શન બ્યુરો આવકવેરાના ઓફિસર અને ચાર્ટર્ડ એકા.ને ૧૦,૦૦૦ની લાંચ લેતા ઝડપી લીધા છે access_time 12:55 am IST

  • પોરબંદરના કુતિયાણામાં મોડી સાંજે વરસાદી ઝાપટું :જગતના તાતની હાલત કફોડી બની access_time 11:23 pm IST