Gujarati News

Gujarati News

News of Tuesday, 3rd December 2019

ડીપીએસ ઈસ્ટની માન્યતા રદ થતાં સ્કુલ અંતે બંધ કરી દેવાઈ

સુત્રોચ્ચાર અને ધરણા પ્રદર્શન યથાવત જારી : બાળકો-વાલીઓએ ઉત્તરનગર ગાર્ડનની પાસે સૂત્રોચ્ચાર કર્યા : વિવાદનો અંત લવાશે : ચુડાસમાએ આપેલી ખાતરી

અમદાવાદ, તા.૩ : નિત્યાનંદ વિવાદ મામલામાં મુશ્કેલીમાં મુકાયેલી અને ટીકાટિપ્પણીનો સામનો કરી રહેલી દિલ્હી પબ્લિક સ્કુલને લઇને વાલીઓમાં તથા વિદ્યાર્થીઓમાં આક્રોશ જોવા મળી રહ્યો છે. આજે પણ ધરણા પ્રદર્શનનો દોર જારી રહ્યો હતો. બેઠકોનો દોર પણ જારી રહ્યો હતો. બીજી બાજુ વાલીઓના આક્રોશ વચ્ચે શિક્ષણમંત્રી ચુડાસમાએ એક બે દિવસમાં જ નિકાલ લાવવાની ખાતરી આપી છે. નિત્યાનંદ વિવાદ બાદ દિલ્હી પબ્લીક સ્કૂલ (ડીપીએસ)ની એનઓસી અને એફિલીએશનને લઈને સ્કૂલની માન્યતા રદ કરવામાં આવી છે. એટલું જ નહી, ડીપીએસ સ્કૂલને અનિશ્ચિત મુદ્દત માટે બંધ કરી દેવાઈ છે. વાલીઓ ઉત્તમનગર ગાર્ડન મળીને જિલ્લા શિક્ષણાધિકારી (ડીઇઓ) ઓફિસે પહોંચ્યા હતા. તેમણે સ્કૂલ ચાલુ રાખવાની લેખિત ખાતરી આપવામાં આવશે તો જ સંકુલ છોડવાની માંગ કરી હતી. વિદ્યાર્થીઓ અને વાલીઓના આજના સૂત્રોચ્ચાર-ધરણાંના વિરોધદર્શક કાર્યક્રમોને લઇ વિવાદ વધુ ગરમાયો હતો.

          વાલીઓમાં ભારોભાર આક્રોશ પ્રવર્તતો હતો કે, ડીપીએસ સ્કૂલના સત્તાધીશોના પાપનો ભોગ શા માટે નિર્દોષ વિદ્યાર્થીઓ અને વાલીઓ બને. મેનેજમેન્ટની ભૂલ હોય તો મેનેજમેન્ટ જેલમાં જાય પરંતુ સરકાર સમગ્ર મામલે દરમ્યાનગીરી કરી ન્યાય અપાવે. બીજીબાજુ, ડીપીએસ વિવાદમાં શિક્ષણમંત્રી ભૂપેન્દ્રસિંહ ચુડાસમાએ હૈયાધારણ આપતાં જણાવ્યું કે, એકાદ-બે દિવસમાં યોગ્ય નિરાકરણ લાવવાનો સરકાર પ્રયાસ કરશે. જો કે, ડીપીએસનું એફિલીએશન સીબીએસઇ બોર્ડ સાથે છે, ગુજરાત બોર્ડ સાથે નહી તેથી સરકાર તેની મર્યાદામાં રહીને પણ વિદ્યાર્થીઓ અને વાલીઓના હિતમાં નિરાકરણ લાવવાનો પ્રયાસ કરશે. ડીપીએસ સ્કૂલ ચાલુ કરવાની માંગ સાથે આજે વાલીઓ ખૂબ મોટી સંખ્યામાં ઉત્તમનગર ગાર્ડન એકત્ર થઇને જિલ્લા શિક્ષણાધિકારી (ડીઇઓ) ઓફિસે પહોંચ્યા હતા. વાલીઓએ માંગ કરી હતી કે સ્કૂલ ચાલુ રાખવાની લેખિત બાંહેધરી આપવામાં તો જ સંકુલ છોડશે.

              વાલીઓએ જણાવ્યું કે, અન્ય સ્કૂલોએ ડીપીએસના સ્ટુડન્ટને પ્રવેશ નહીં આપે તેવા બોર્ડ લગાવી દીધા છે. જેથી અન્ય સ્કૂલોમાં બાળકોને પ્રવેશ ન મળતો હોવાથી જ્યાં સુધી સ્કૂલ ચાલુ નહીં કરવામાં નહીં આવે ત્યાં સુધી વાલીઓ પરિસર નહીં છોડે તેમ જણાવ્યું હતું. સ્કૂલ દ્વારા વાલીઓને મેસેજ કરી જાણ કરાઈ છે અને કહેવાયું છે કે, વ્હાલા વાલીઓ, તમને જાણ કરવામાં આવે છે કે અમને હમણાં જ એક પત્ર દ્વારા જણાવ્યું છે કે ધોરણ ૧ થી ૮ની પરમીશનને ડીઇઓ ઓફિસ દ્વારા માન્યતા રદ્દ કરાઈ છે. સ્કૂલને આગળની નોટિસ ન મળે ત્યાં સુધી બંધ કરવામાં આવે છે. વાલીઓ વિરોધ વાલીઓનું ગ્રુપ ઉત્તમ નગર ગાર્ડન મણીનગર ખાતે એકઠા થયા હતા અને એકસંપ થઇ બધા ડીઇઓ કચેરી પહોંચ્યા હતા. વાલીઓએ રોષ ઠાલવ્યો હતો કે, અમને સંતોષકારક જવાબ આપવામાં આવી રહ્યો નથી. ધોરણ ૧થી ૮ની માન્યતા રદ થઈ ગઈ છે. અમારા બાળકોનું ભાવી અધ્ધરતાલ છે. અમને ન્યાય નહીં મળે તો હાઈકોર્ટમાં પીઆઇએલ કરીશું. આવતી કાલે શહેરની તમામ સ્કૂલો બંધ કરાવીશું તેવી ચીમકી પણ ઉચ્ચારી હતી. દરમ્યાન ડીપીએસ વિવાદમાં શિક્ષણમંત્રી ભૂપેન્દ્રસિંહ ચુડાસમાએ હૈયાધારણ આપતાં જણાવ્યું કે, એકાદ-બે દિવસમાં યોગ્ય નિરાકરણ લાવવાનો સરકાર પ્રયાસ કરશે. જો કે, ડીપીએસનું એફિલીએશન સીબીએસઇ બોર્ડ સાથે છે, ગુજરાત બોર્ડ સાથે નહી તેથી સરકાર તેની મર્યાદામાં રહીને પણ વિદ્યાર્થીઓ અને વાલીઓના હિતમાં નિરાકરણ લાવવાનો પ્રયાસ કરશે.

વાલીઓની માંગણીઓ

(૧) માન્યતા રદ્દ થઈ તેની બે સર્ટિફાઈડ કોપી આપવા માંગ

(૨) વૈકલ્પિક વ્યવસ્થાની લેખિતમાં નકલ આપવા માંગ

(૩) ૧૦ વર્ષના ઓડિટ રિપોર્ટ અને અધિકારીઓની સહી સાથેનો રિપોર્ટ આપવા માંગ

(૪) ધો-૧થી ૮ની માન્યતા રદ થઈ તેની સર્ટિફાઈડ કોપીની માંગ

(૫) ડીપીએસ ઈસ્ટ તાત્કાલિક ૨૪ કલાકમાં શરૂ થાય તેની લેખિત બાંહેધરીની માંગણી

(૬) ૧ હજાર બાળકોના ભવિષ્યને ધ્યાને લઈ સરકાર પોતાને હસ્તક લઈ ચલાવે તેવી રજૂઆત

       (૭) કોઈપણ સ્ટુડન્ટ અન્ય સ્કૂલમાં ટ્રાન્સફર થવા તૈયાર નથી માટે સરકાર પરિપત્ર બહાર પાડી પોતાના હસ્તક લે

(8:58 pm IST)
  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • હૈદરાબાદ ગેંગ રેપ : બળાત્કારીઓને જ્યાં સુધી ફાંસીની સજા નહીં થાય ત્યાં સુધી આમરણાંત ઉપવાસ કરીશ : દિલ્હી મહિલા આયોગ અધ્યક્ષ સ્વાતિ માલીવાલનો વડાપ્રધાનને પત્ર access_time 12:29 pm IST

  • ભાજપના સાંસદે સોનિયાને ઘુસણખોર કહેતા લોકસભામાં કોંગ્રેસનો હંગામો : સંસદીય મંત્રી પ્રહલાદ જોષીના નિવેદન કે લોકોએ પીએમ મોદીને બીજીવાર ચૂંટીને મોકલ્યા છેઃ કોંગ્રેસના ખુદના નેતા ઘુસણખોર છે access_time 3:57 pm IST