Gujarati News

ખેડબ્રહ્માઃ ભારત દેશને યોગ ધ્યાન તરફ લઈ જવાનું અને દેશના લોકો શારીરીક માનસીક સ્વચ્છતા તરફ લઈ જવાનું સરાહનીય પગલુ ભરવામાં આવે છે.

આ અંગે ન.પાલિકાના માજી સદસ્ય જીગ્શેભાઈ જોષી મુખ્યમંત્રીનેે લેખિત અરજીમાં જણાવ્યુ છે કે સરાહનીય પગલાની ભાગ રૂપે જો દરેક શાળાઓ સ્કૂલો જે બપોરના ૧૦:૩૦ કે ૧૧ કલાકે ચાલુ કરી સાંજના ૪ કે ૫ કલાક સુધીના સમયની રાખવામાં આવે છે. તે સમયમાં ફેરફાર કરી દરરોજ સવારના ૭ થી ૧૨:૩૦ કલાક સુધી કરવામાં આવે, વધુમાં સવારના સમયની સ્કૂલ થવાના કારણે બાળકોને વાંચન લેખન તથા રમત ગમત માટે પુરતા પ્રમાણમાં સમય મળી રહે. તેમજ સવારના સમયે બાળક માનસીક રીતે પણ પ્રફુલીત હોય છે. જેથી અભ્યાસમાં પણ તેનું મન સારી રીતે પરોવાયેલુ રહે. ગુજરાત રાજયની તમામ શાળાઓનો સમય સવાર-૭ થી  બપોરના ૧૨:૩૦ સુધી કરવામાં આવે અને પ્રથમ વિષય યોગ પ્રાર્થનાનો કરવામાં આવે તેવી ગુજરાત રાજયના શિક્ષણમંત્રીને લેખિત અરજી કરેલ છે.