Gujarati News

અમદાવાદ :  ટ્રેન નંબર 20901/20902 મુંબઈ સેન્ટ્રલ – ગાંધીનગર કેપિટલ વંદે ભારત સુપરફાસ્ટ એક્સપ્રેસના સમયમાં 5મી નવેમ્બરથી અમુક સ્ટેશનો વચ્ચે ફેરફાર કરવામાં આવ્યો છે. ટ્રેન નંબર 20901/20902 મુંબઈ સેન્ટ્રલ – ગાંધીનગર કેપિટલ વંદે ભારત સુપરફાસ્ટ એક્સપ્રેસ 5મી નવેમ્બરથી ફરીથી શેડ્યૂલ કરવામાં આવી છે.

  આ અંગે  મુખ્ય જનસંપર્ક અધિકારી સુમિત ઠાકુરે વિગતો આપી હતી.  ટ્રેનના સ્ટોપેજ અને સમય વિશે વિગતવાર માહિતી માટે, મુસાફરો કૃપા કરીને www.enquiry.indianrail.gov.in ની મુલાકાત લઈ શકે છે. પશ્ચિમ રેલ્વેએ મુસાફરોને મુસાફરી શરૂ કરતા પહેલા ઉપરોક્ત ફેરફારોને ધ્યાનમાં રાખવા વિનંતી કરી છે

પશ્ચિમ રેલ્વેના મુખ્ય જનસંપર્ક અધિકારી સુમિત ઠાકુરના જણાવ્યા મુજબ સમયમાં ફેરફારની વિગતો આ પ્રમાણે છે .

ટ્રેન નંબર 20901 મુંબઈ સેન્ટ્રલ – ગાંધીનગર રાજધાની વંદે ભારત સુપરફાસ્ટ એક્સપ્રેસ વાપીથી 08.04/08.06 કલાકને બદલે 08.00/08.02 કલાકે, સુરત સ્ટેશને 09.00/09.03 કલાકને બદલે 08.55/08.58 કલાકે પહોંચશે.

તેવી જ રીતે, રિટર્નમાં ટ્રેન નંબર 20902 ગાંધીનગર કેપિટલ – મુંબઈ સેન્ટ્રલ વંદે ભારત સુપરફાસ્ટ એક્સપ્રેસ વડોદરાથી 15.50/15.55 કલાકે ને બદલે 15.53/15.56 કલાકે ઉપડશે, વાપી સ્ટેશને 18.13/18.15 કલાકે 18.81/18.48 કલાકે આવશે. અન્ય સ્ટેશનો પર ટ્રેનના સમયમાં કોઈ ફેરફાર કરવામાં આવ્યો નથી.

રેલવે પ્રશાસન દ્વારા મુસાફરોની સુવિધાને ધ્યાનમાં રાખીને ગાંધીધામ-વિશાખાપટ્ટનમ એક્સપ્રેસ ટ્રેનમાં અસ્થાયી ધોરણે એક સ્લીપર ક્લાસનો વધારાનો કોચ ઉમેરવાનો નિર્ણય લેવામાં આવ્યો છે.જેની વિગતો આ મુજબ છે.

• ટ્રેન નંબર 20804 ગાંધીધામ – વિશાખાપટ્ટનમ એક્સપ્રેસને 06 નવેમ્બર 2022 થી 27 નવેમ્બર 2022 સુધી એક સ્લીપર ક્લાસ કોચ વધારવામાં આવશે

ટ્રેન નંબર 20803 વિશાખાપટ્ટનમ – ગાંધીધામ એક્સપ્રેસને 03 નવેમ્બર 2022 થી 24 નવેમ્બર 2022 સુધી એક સ્લીપર ક્લાસ કોચ વધારવામાં આવશે