Gujarati News

રાજપીપળા સિવિલ માં જનરલ દર્દીઓને તપાસવાનો રૂમ પાલિકાએ કેમ શીલ માર્યો..? ફાયર સેફટીનો અભાવ હતો તો સુપ્રીટેન્ડન્ટ ની કચેરી શીલ કરવી જોઈતી હતી: 2 વર્ષથી અમે ફાયર NOC ની પ્રોસેસ કરી રહ્યાં છે પણ બિલ્ડીંગ જ એવી છે તો અમે શું કરીએ: ડો.જ્યોતી ગુપ્તા

ફોટો noc
(ભરત શાહ દ્વારા) રાજપીપળા : સુરતના એક ટ્યુશન કલાસ અને હાલ કોરોના કાળમાં હોસ્પિટલોમાં અગ્નિકાંડની ઘટના બાદ તમામ જગ્યાએ ફાયર NOC ફરજીયાત હોવી જોઈએ એ બાબતે સરકાર કડક બની છે.થોડા દિવસ પેહલા જ રાજપીપળા નગરપાલિકાએ ફાયર NOC ન હોવાથી શહેરની 3 શાળાઓ સીલ મારતા ખળભળાટ મચ્યો હતો.ત્યારે હાલમાં રાજપીપળા પાલિકા એ સિવિલ હોસ્પિટલની ઓપીડીને ફાયર NOC ના અભાવે સીલ મારી છે.ત્યારે જગ્યાના અભાવે જનરલ દર્દીઓ ને ક્યાં તપાસવા એ સવાલ ઉભો થતા આજે 11 નમ્બર ના રૂમમાં ચાલતી ઓપીડી ના દર્દીઓ ને સિલ મારેલા રૂમની બહાર ડોકટરો તપાસ કરતા જોવા મળ્યા હતા.
આ મામલે રાજપીપળા સિવિલ હોસ્પિટલના સુપ્રીટેન્ડન્ટ ડો.જ્યોતી ગુપ્તાએ જણાવ્યું હતું કે એક વર્ષથી અમે ફાયર NOC ની પ્રોસેસ કરી રહ્યાં છે પણ બિલ્ડીંગ જ એવી છે તો અમે પણ શું કરી શકીએ,આજે ઓપીડી ના દર્દીઓને રૂમની બહાર ડોકટરો તપાસે છે પરંતુ એકાદ રૂમ સેટ કરી ઓપીડી નું કામ કરાશે.