Gujarati News

રાજકોટ, તા., રઃ અમદાવાદની ઐતિહાસિક રથયાત્રાની ભાવીકો ચાતક નજરે વાટ જોઇ રહયા છે અને આ વખતે ભગવાનનો રજવાડી શણગાર હોવા સાથે શાહી દર્શનનો લાભ મળનાર છે. રથયાત્રાનો પ્રારંભ મંગળા આરતી સાથે થશે. આ આરતી   દેશના ગૃહમંત્રી અમીતભાઇ શાહ હસ્તે થવાની છે. ત્યારે મંદિર પરિસરમાં ભાવીકોની ભીડ ધ્યાને લઇ કંઇ અજુગતુ ન બને તે માટે મંદિર પરિસર આસપાસ પણ અર્ધ લશ્કરી દળો તૈનાત કરવામાં આવ્યા છે.

રથયાત્રા સંદર્ભે ગઇકાલે પુર્વ રીહર્સલ કરવામાં આવેલ જેમાં અમદાવાદના પોલીસ કમિશ્નર એ.કે.સિંઘ સહિત તમામ જોઇન્ટ પોલીસ કમિશ્નર, એડીશ્નલ પોલીસ કમિશ્નર, રપ,૦૦૦ પોલીસનો કાફલો સામેલ થઇ, નાની-મોટી જે કંઇ અડચણો હતી તે દુર કરવામાં આવી હતી. આજે ગ્રાન્ડ રિહર્સલનો  ભવ્યાતિ ભવ્ય પ્રારંભ કરવામાં આવેલ. સમગ્ર અમદાવાદમાં પોલીસના વિશાળ કાફલા અને અર્ધ લશ્કરી દળોના કાફલાને કારણે તથા રાજયપાલ, મુખ્યમંત્રી, નાયબ મુખ્યમંત્રી અને ગૃહમંત્રી સહિતના ટોચના રાજકારણીઓને કારણે મહાનુભાવોના મહાકુંભ જેવી પોલીસે તૈયારીઓને આખરી ઓપ આપવા કમ્મર કસી છે. દેશના વિવિધ રાજયોના જુનીયર કક્ષાના આઇપીએસ અધિકારીઓને મોટા બંદોબસ્તની તાલીમ મળે તે માટે રથયાત્રાના  બંદોબસ્તમાં સામેલ કરવામાં આવ્યા છે. બંદોબસ્તમાં રપ,૦૦૦ ના પોલીસ કાફલા  સાથે ડોગ સ્કવોડ, ઘોડેશ્વર સ્કવોડ તથા ખાસ કરીને બોંબ સ્કવોડ ઉતરી પડયો છે.  બંદોબસ્તમાં રાજયભરમાંથી રથયાત્રા બંદોબસ્તનો અનુભવ ધરાવતા અધિકારીઓ પણ સામેલ કરવામાં આવ્યા છે.