Gujarati News

Gujarati News

News of Saturday, 1st August 2020

રાજપીપળામાં નગરપાલિકા કર્મચારીઓની હડતાલનો અંત આવતા પાણી આફત ટળી

સાંસદ મનસુખભાઈ વસાવા, ધારાસભ્યપી.ડી.વસાવા, જિલ્લા કલેકટર મનોજ કોઠારી,નગરપાલિકા પ્રમુખ જીગીષાબેન ભટ્ટ,કારોબારી ચેરમેન અલકેશસિંહ ગોહિલની રજૂઆતના પગલે સુરતથી ખાસ એડિશનલ કમિશનરની ટીમે દોડી

(ભરત શાહ દ્વારા)  રાજપીપળા : રાજપીપળા શહેરમાં નગરપાલિકાના રોજમદાર કર્મચારીઓ હડતાલ પર જતા શહેરમાં બે ટાઈમ પીવાના પાણીની મોકણ ઉભી થતા ગૃહિણીઓ અકળાઈ ઉઠી હતી ત્યારબાદ પાલીકા કચેરી પર હલ્લા બોલ કરી માટલા પણ ફોડ્યા પાલીકા પ્રમુખના ઘરે પણ પહોંચી રજુઆત કરી આ બાબતે શહેરમાં ભારે ચર્ચા જગાવતા સાંસદ મનસુખભાઈ વસાવા,ધારાસભ્યપી.ડી.વસાવા,જિલ્લા કલેકટર મનોજ કોઠારી,નગરપાલિકા પ્રમુખ નિગીષાબેન ભટ્ટ,કારોબારી ચેરમેન અને પૂર્વ પ્રમુખ અલકેશસિંહ ગોહિલની રજૂઆતના પગલે સુરત થી ખાસ એડિશનલ કમિશનરની ટીમ રાજપીપળા આવી નર્મદા જિલ્લા તંત્ર અને કામદારો સાથે બેઠક કરી એક મહિનામાં પગાર બાબતે કાયમી ઉકેલ લાવવા ની ખાત્રી આપવા ઉપરાંત આ હડતાળની નોંધ ગાંધીનગર સુધી લેવાઈ હોવાની વાત કરી હતી અને નગરપાલિકા તંત્રએ  કર્મચારીઓને એક માસનો પગાર આપી હડતાલ સમેટવા જણાવ્યું પરંતુ એક માસનો પગાર કર્મચારીઓને મંજુર ન હોવાથી કર્મચારીઓ નગરપાલિકાને એ વધુ 25 દિવસની મુદત આપી ચાર મહિનાનો બાકી અને એક મહિનાનો ચાલુ પગાર મળી કુલ પાંચ મહિનાનો પગાર એક માસ માં કરવાની બાંહેધરી લીધી બાદ આ હડતાલ સમેટાઈ હતી.હડતાળનો અંત આવતાજ શુક્રવારે સાંજ થી શહેર માં પાણી છોડતા સૌ એ રાહત અનુભવી હતી

(8:50 pm IST)
  • કચ્છ રાપર વિસ્તારમાં ભૂકંપનો ઝટકો : 9:03 મિનિટ 2.9 ની તીવ્રતાનો ઝટકો નોંધાયો: કેન્દ્રબિંદુ 25 કી.મી સાઉથ સાઉથ ઇસ્ટ ધોળાવીરા: આજના દિવસનો આ ચોથો આંચકો: રાત્રીથી સવાર સુધી કચ્છમાં 1 તીવ્રતા ની આસપાસના 3 આંચકા નોંધાઈ ચુક્યા છે access_time 11:07 am IST

  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST

  • શ્રીલંકાના કોલંબો બંદર પરના તમામ કામકાજ શુક્રવારે સાંજે, ઇસ્ટ કન્ટેનર ટર્મિનલ (ઇસીટી) ભારતને લીઝ પર આપવાના વિરોધમાં, સ્ટોપ કરી દેવામાં આવ્યા. શ્રીલંકાના પોર્ટ ઓથોરિટી દ્વારા જ તમામ ઇસીટી કામગીરી શરૂ કરવા સત્તાધિકારીઓને અપીલ કરવા કોલંબો પોર્ટના તમામ ટ્રેડ યુનિયનો દ્વારા આ વિરોધ દર્શાવતા દેખાવો યોજાયા હતા access_time 10:20 pm IST