Gujarati News

અમદાવાદ:શહેરમાં કાયદો અને વ્યવસ્થાની પરિસ્થિતી દિનપ્રતિદીન કથળી રહી છે. ધોળે દહાડે લુંટ, ચોરી અને ખંડણીવસુલીના બનાવો બની રહ્યા છે. આરોપીઓને પોલીસ કે કાયદાનો ડર જ ન હોય તેમ બેફામ બન્યા છે. જેમાં સત્યાગ્રહ છાવણીમાં રહેતા માર્બલના વેપારીને અજાણી વ્યક્તિએ ધમકીભર્યો ફોન કરીને ૧૫ લાખ રૃપિયાની ખંડણી માંગી હતી. આ શખ્સે વેપારીને ખંડણી નહી આપે તો તેના પુત્રને જાનથી મારી નાંખવાની ધમકી આપતા તેમના પરિવારમાં ગભરાટ ફેલાયો છે. આ અંગે સેટેલાઈટ પોલીસ સ્ટેશનમાં ફરિયાદ નોંધાવવામાં આવી છે. બીજીતરફ બનાવની ગંભીરતાને લઈને ક્રાઈમ બ્રાંચ પણ તપાસમાં જોતરાઈ છે.