Gujarati News

અમદાવાદ તા. ૧ : ભારત સરકારના આયકર વિભાગે દેશભરના પ્રિન્સીપાલ ચિફ કમિશનરોની આંતરિક બદલીનો ઘાણવો કાઢયો છે. સેન્ટ્રલ બોર્ડ ઓફ ડાયરેકટ ટેકસીસ દ્વારા બદલીનો ઓર્ડર કાઢવામાં આવ્યા છે. જેમાં ગુજરાતના બે પ્રિન્સીપાલ ચીફ કમિશનરનો સમાવેશ થાય છે. સેન્ટ્રલ બોર્ડ ઓફ ડાયરેકટ ટેકસીસ દ્વારા દેશભરના ૧૬૬ પ્રિન્સીપાલ ચીફ કમિશનર અને ડાયરેકટર જનરલ ઓફ ઇન્કમટેકસની આંતરિક બદલીના ઓર્ડરો ગઇકાલે નીકળ્યા હતા.

બદલીમાં ગુજરાતના નવા પ્રિન્સીપાલ ચીફ ઇન્કમટેકસ કમિશનર તરીકે શ્રી રવિન્દ્રકુમારની નિમણુંક કરવામાં આવી છે.  સીબીડીટી દ્વારા અમદાવાદ, સુરત, સિક્કમ, પોંડેચેરી, ભોપાલ, જયપુર, કાનપુર, દિલ્હી, પટણા, લખનૌ સહિતનાનો સમાવેશ થાય છે.