Gujarati News

ખેડા: જિલ્લામાં નડિયાદ, મહોળેલ, ચપટીયા તેમજ દાવડા નજીક સર્જાયેલા જુદા-જુદા ચાર માર્ગ અકસ્માતોમાં વાહનોની અડફેટે ચાર રાહદારીઓને ઈજા પહોંચી હતી. આ બનાવો અંગે જે તે પોલીસમથકોમાં નોંધાયેલી ફરિયાદને આધારે પોલીસે કાર્યવાહી હાથ ધરી છે. 

આ અંગે મળતી માહિતી મુજબ નડિયાદ તાલુકાના પાલડી ગામમાં રહેતાં અરવિંદસિંહ સરદારસિંહ સોઢા ગત બુધવારના રોજ મોડી સાંજના સમયે નડિયાદ તાલુકાના મહોળેલ ગામથી નાના વગા જવાના રોડ પર ચાલતાં જતાં હતાં. તે દરમિયાન માર્ગ પર પુરપાટ ઝડપે પસાર થઈ રહેલ મારૂતી વાન નં જીજે ૦૭ બીઆર ૬૪૨૨ ના ચાલકે અરવિંદસિંહને અડફેટે લેતાં તેઓને ઈજા પહોંચી હતી.