Gujarati News

Gujarati News

News of Friday, 1st June 2018

સુરતમાં ગૌતમ ગોલ્ડનની હત્યા કરનાર કિશન ખોખરની ધરપકડઃ રિમાન્ડની તજવીજ

સુરતઃ સુરતનાં કામરેજ ચાર રસ્તા પોલીસચોકીની પાછળ ગૌત્તમ ઉર્ફે ગૌત્તમ ગોલ્ડન ગણેશ ગોયાણીની ગત તારીખ ૨૦મી મે ના રાત્રિના સુમારે ગળું કાપી હત્યા કરી દેવામાં આવી હતી. આ કેસમાં મુખ્ય સૂત્રધાર મનાતા કિશન ખોખરની સાથે સામેલ વેજા માડમની ધરપકડ કરી રીમાન્ડ મેળવ્યા હતા. સમગ્ર બનાવમાં પી.આઇ. બી.જે. સરવૈયાએ તપાસ શરૂ કરી છે. તપાસ દરમિયાન કિશન ખોખરના ભાઇ રજની તેમજ હડ્ડી, ધવલભુરો સહિત ૮ જણા ગૌત્તમે ગોલ્ડનની હત્યામાં સામેલ હોવાનો ખુલાસો થયો હતો. વેજા માડમના લીસ રીમાન્ડ પૂરા થતાં જ્યુડીશીયલ કસ્ટડીમાં મોકલી પોલીસે કિશન ખોખર અને સોપારી આપવાના આક્ષેપમાં સામેલ ખુશ્બુ મોદીની શોધખોળ પોલીસે હાથ ધરી હતી.

દરમિયાન ગુરૃવારે સાંજના સમયે એલસીબીની ટીમે બાતમી આધારે સુરતના વરાછા ખાતે ઓવરબ્રીજ નીચે ચોર્યાસી ડેરી સામેથી કિશન રમેશભાઇ ખોખર (ઉ.વ. ૨૪, રહે. પ્રભુકૃપા સોસાયટી, લક્ષ્મણનગર ચોક પાસે, કાપોદ્રા, સુરત)ને ઝડપી લીધો હતો. પોલીસે કિશન ખોખરની ધરપકડ કરી પૂછતાછ શરૂ કરી છે. પૂછપરછમાં ગૌત્તમ ગોલ્ડનની હત્યાના અનેક રહસ્ય પરથી પડદો ઉંચકાશે તેવી શક્યતા છે. પોલીસ કિશન ખોખર પાસેથી કેટલી હકીકત કઢાવી શકે છે તે અગત્યનું બની રહેશે.

(6:37 pm IST)
  • બ્લેકમનીની માહિતી આપનારને મળશે 5 કરોડ સુધીનું ઇનામ : કેસમાં 1 ટકાનું રીવોર્ડ મળશે : વિગત આપનારનું નામ ગુપ્ત રાખવા કોડ અપાશે : ઇન્કમટેક્સ ડિપાર્ટમેન્ટે નવી સ્કીમ લાગુ કરી છે જેમાં કાળું નાણુંની માહિતી આપનારને ઇનામ મળશે : સીબીડીટીએ આઇટી ઈન્ફોરમેશન રીવોર્ડસ સ્કીમ જાહેર કરી છે બ્લેકમની અંગે માહિતી આપનારને 5 કરોડ સુધીનું ઈનામ મળશે ફોરેન બ્લેક મની કેસમાં 1 ટકાનું રીવોર્ડ મળશે અને આ અંગેની માહિતી આપનારની વિગત ગુપ્ત રાખવા કોડ અપાશે access_time 1:04 pm IST

  • જમ્મુ-કાશ્મીરમાં ફિદાયીન હુમલાની આશંકા :હાઇએલર્ટ જાહેર :ગુપ્તચરની સૂચનામાં આત્મઘાતી હુમલાની ભીતિ બાદ સુરક્ષા એજન્સીઓ એલર્ટ:આતંકીઓ કાશ્મીરમાં ઘૂસવાની ફિરાકમાં :શ્રીનગર અને જમ્મુમાં નાકાબંધી વાહનોની તપાસ અને હોટલ ધર્મશાળામાં ચેકીંગ શરુ :શહેરમાં પ્રવેશતા તમામ રસ્તાઓમાં સતકર્તા વધારાઈ ;સંવેદનશીલ વિસ્તારોમાં ચુસ્ત બંદોબસ્ત ગોઠવાયો access_time 1:06 am IST

  • ખેડા:યાત્રાધામ વડતાલના ગોમતી તળાવમાં 25 વષર્ય યુવક ડુબ્યો : સુરતનો રહેવાસી યુવક પરીવાર સાથે વડતાલ દશર્ન કરવા આવ્યો હતો : ચકલાસી પોલીસને જાણ કરાતા ફાઈયર બ્રિગેડ અને પોલીસનો કાફલો ઘટના સ્થળે : ફાયર બ્રિગેડ ઘ્વારા ડૂબેલ યુવકની શોધખોળ ચાલુ access_time 8:34 pm IST