Gujarati News

Gujarati News

News of Friday, 1st June 2018

ગુજરાતના ચીફ કન્‍ઝરવેટર ઓફ ફોરેસ્‍ટ પદે જી કે સિંહાઃ ગીરમાં એ પી સિંઘની જગ્‍યાએ ડીટી વસાવડાની નિમણૂંક

શિંગોડા ઇફેકટઃ સાસણના ડીસીએફ પછી બદલીનો દોર

અમદાવાદ તા.૧: ગુજરાત પ્રિન્‍સીપલ  ચીફ કોંઝર્વેટર ઓફ ફોરેસ્‍ટ (વાઇલ્‍ડ લાઇફ) જીકે સિંહાને જંગલ ફોર્સના વડા તરીકે બઢતી આપી છે. તેઓ હવે ગુજરાતના ચીફ કન્‍ઝવેટર ઓફ ફોરેસ્‍ટ બન્‍યા છે.

દરમિયાન આર્યજનક રીતે ચીફ કન્‍ઝવેટર ઓફ ફોરેસ્‍ટ શ્રી એ પી સિંઘની ગિરમાંથી બદલી કરી અને તેમની જગ્‍યાએ સીસીએફ ફોરેસ્‍ટ પ્રોટેકશન ડી ટી વસાવડાને ગીરમાં મુકવામાં આવ્‍યા છે.

જયારે એ પી સિંઘને સુરત ખાતે સીસીએફ ફોરેસ્‍ટ વર્કિંગ પ્‍લાન તરીકે બદલી કરી મુકવામાં આવ્‍યા છે.

આ બદલીઓ પાછળ શિંગોડા ડેમમાંથી કાંપ કાઢવાના મુદાને લઇ છેલ્લા ઘણા સમયથી મોટા પ્રમાણમાં વિવાદો ગ્રામજનો અને વનવિભાગ વચ્‍ચે થયા હતા. બે ડીસીએફ બાદ સીસીએફની બદલીના ઓર્ડર થતા સન્નાટો ફેલાય ગયો છે.

બરડા ગીરમાં ખનીજચોરી સામે અવાજ ઉઠાવનાર નાયબ વન સંરક્ષક પોરબંદર એચ.એન. ભાવસારને ગાંધીનગર મોનીટરીંગ અને ઇવેલ્‍યુએશનમાં મુકવામાં આવ્‍યા છે. ભાવસારની જગ્‍યાએ કોઇની નિમણૂંક કરાઇ નથી તેમનો ચાર્જ સહાયક વન સંરક્ષક દિપક પંડયાને અપાયો છે. જયારે નાયબ વન સંરક્ષક (સાસણ-વન્‍યપ્રાણી) રામરતન નાલા પ્‍લીસીટી અને લાયઝેનીંગમાં મુકાયા છે.

(4:20 pm IST)
  • બે નંબરનો ધંધો કરવો હોય તો સોનાનો કરો કારણ એક તેમાં પકડાઈ જવા પર જમીન મળી શકે છે :રાજસ્થાનના વિલારાના ધારાસભ્ય અર્જૂનલાલ ગર્ગે દેવાસી સમાજના કાર્યક્રમમાં કહ્યું કે બન્ને ચીજની કિંમત સરખી છે પરંતુ ડ્રગની તુલનાએ સોનામાં વેપાર કરવો સુરક્ષિત છે access_time 1:33 am IST

  • પાકિસ્તાન છેલ્લા 70 વર્ષના ઇતિહાસમાં ચૂંટાયેલી સરકારે બીજીવાર પોતાનો કાર્યકાળ પૂરો કર્યો : મોટાભાગે દેશની સેનાએ જ શાસન કર્યું હતું :પાકિસ્તાનની પીએમએલ (એન )સરકારે પાંચ વર્ષ પુરા કર્યા :સંસદીય મામલાના મંત્રાલયે 31મી મેના મધ્યરાત્રીએ 14મી નેશનલ એસેમ્બલી ભંગ થયાની જાહેરાત કરી છે: હવે 25મી જુલાઈએ સામાન્ય ચૂંટણી સુધી દેશનું કાર્યવાહક વ્યવસ્થા સંચાલન કરશે access_time 12:55 am IST

  • આ છાયો પણ મીઠો લાગે!!! : સમગ્ર દેશમાં કાળઝાળ ગરમી પડી રહી છે ત્યારે રાજસ્થાન સૌથી વધુ ગરમ રહયું છે. એવામાં અજમેર પાસે ઓવરલોડ ટ્રક નીચે પણ કોઇજાતની ચિંતા કે પરવા વગર સુતા લોકોમાં સુરજના આકરા મીજાજનું રૂપ દેખાઇ રહયું છે. access_time 4:31 pm IST