Gujarati News

Gujarati News

News of Friday, 1st June 2018

હવે જીએસટી રિફંડ માટે બે સપ્તાહ અભિયાન ચલાવાશે

વેપારીઓ-ઉદ્યોગ વર્ગ માટે રાહતના સમાચારઃ જીએસટી રિફંડની રૃપિયા ૩૦ હજાર કરોડથી વધારેની રકમને કેન્દ્ર દ્વારા મંજૂરી બાદ હવે જીએસટી રિફંડ મળશે

અમદાવાદ,તા. ૩૧: ઔડા દ્વારા લાખો રૃપિયાના ખર્ચે વિકસિત કરાયેલા નવા પશ્ચિમ ઝોનના બોડકદેવ વોર્ડના વસ્ત્રાપુર તળાવની મ્યુનિસિપલ સત્તાવાળાઓએ સતત ઉપેક્ષા દાખવી હતી. જેના કારણે સહેલાણીઓમાં વસ્ત્રાપુર તળાવની લોકપ્રિયતાને અસર પડી હતી. તેના નિર્માણ સમયે પાણીથી છલોછલ ભરેલુ રહેતું આ તળાવ સમય જતાં પાણીવિહીન અને ઉપેક્ષાનું ભોગ બનતાં સ્થાનિક નાગરિકો અને સાહેલાણીઓમાં પણ તંત્રના અણઘડ આયોજનને લઇ ઉગ્ર રોષ પ્રવર્તતો હતો.  જેને પગલે હવે અમ્યુકો સત્તાધીશોએ વસ્ત્રાપુર તળાવને ગટરના ટ્રીટ કરેલા પાણીથી ભરેલુ રાખવાનું આયોજન હાથ ધર્યું છે. ભર ચોમાસામાં તંત્રનાં અણધડ આયોજનથી તળાવની આસપાસના વિસ્તાર જળબંબાકાર થવા છતાં તળાવ ખાલીખમ રહેતું હતું જો કે હવે તંત્ર દ્વારા વસ્ત્રાપુર તળાવને ગટરના ટ્રીટ કરેલાં પાણીથી છલોછલ કરવાની દિશામાં ચક્રો ગતિમાન કરાયાં છે. આજે સવારે ૮.૩૦ વાગ્યે પ૦૦ કેએલડી ક્ષમતાના સુએજ ટ્રીએન્ટ પ્લાન્ટનું ભૂમિપૂજન કરાયું હતું. મેયર ગૌતમ શાહના હસ્તે વસ્ત્રાપુર તળાવ ખાતે કરાયેલા આ ભૂમિપૂજનમાં સ્ટેન્ડિંગ ચેરમેન પ્રવીણ પટેલ મ્યુનિસિપલ કમિશનર મુકેશકુમાર વગેરે હાજર રહ્યા હતા. વસ્ત્રાપુર લેકમાં ગટરનાં પાણીને ટ્રીટ કરીને છોડવા માટેનો આ સુએઝ ટ્રીટમેન્ટ પ્લાન્ટ આશરે રૃ.૭૦ લાખના ખર્ચે બનાવાશે. તંત્ર દ્વારા ખારીકટ કેનાલ પાસે પણ ઓઢવ અને નિકોલ ખાતે એક એક એમ બે પ૦૦ કેએલડી ક્ષમતાના સુએઝ ટ્રીટમેન્ટ પ્લાન્ટનું ખાતમુહૂર્ત કરાયું હતું. ખારીકટ કેનાલ સફાઇ અભિયાનનો આજે છેલ્લો દિવસ છે. સત્તાવાળાઓએ ખારીકટ કેનાલમાં ઠલવાતાં ગટરનાં પાણીને રોકવા આશરે રર ગેરકાયદે જોડાણને આ અભિયાન હેઠળ અન્ય ગટર લાઇનમાં ટ્રાન્સફર કર્યાં છે.વસ્ત્રાપુર તળાવને ભરેલુ છલોછલ રાખવાના ઉમદા આશય સાથે અમ્યુકો સત્તાવાળાઓએ આ નવતર સાહસ કર્યું હતું.

(9:54 am IST)
  • ખેડૂત આંદોલન : પંજાબમાં રસ્‍તા પર ફેંકાયા શાકભાજી : મંદસૌરમાં દૂધ-શાકભાજી સપ્‍લાય ઉપર પ્રતિબંધ access_time 12:35 pm IST

  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST

  • દેશમાં ફોરેન્સિક પ્રયોગશાળાના અભાવે દરવર્ષે 13,000 બળાત્કારના કેસની તપાસ થઇ શકતી નથી : મહિલા અને બાલ કલ્યાણમંત્રી મેનકા ગાંધીએ કહ્યું કે અપરાધની તપાસમાં સૌથી નબળું પાસું ફોરેન્સિક છે અને દેશની મુખ્ય ફોરેન્સિક પ્રયોગશાળામાં વર્ષે 160થી ઓછા મામલાની તપાસ થાય છે access_time 1:18 am IST