Gujarati News

અમદાવાદની સિવિલ હોસ્પિટલ પરિસરમાં કાર્યરત કેન્સર હોસ્પિટલમાં પણ કોવિડ સેન્ટર શરૂ કરાયુ છે. જેમાં 262 બેડની સુવિધા ધરાવતી આ હોસ્પિટલમાં ૯ દર્દીઓને દાખલ કરાયા છે. ગુજરાત રિસર્ચ કેન્સર ઇન્સ્ટિટ્યૂટ સંચાલિત કેન્સર હોસ્પિટલની નવનિર્મિત ઇમારતને પણ આજથી કોવિડ સેન્ટર તરીકે કાર્યરત કરાઇ છે.

262 બેડની સુવિધા ધરાવતી આ હોસ્પિટલમાં પણ હવે દર્દીઓ સારવાર માટે દાખલ કરી શકાશે. 262 બેડની કેપેસિટી ધરાવતી આ સંસ્થામાં 150 તબીબો, 150 નર્સિંગ સ્ટાફ, 50 ટેકનિશિયન, 50 પેરામેડિકલ સ્ટાફ, 120 સેવકો કાર્યરત છે હાલ એક વોર્ડમાં કોરોનાના પોઝીટીવ લક્ષણો ધરાવતા 9 દર્દીઓ દાખલ કરાયેલા છે. એટલું જ નહી બે આઈ.સી.યુ વોર્ડમાં 20 બેડની સુવિધા છે તથા 22 વેન્ટિલેટર ઉપલબ્ધ છે. સાથે સાથે દરેક બેડ વેન્ટિલેટરમાં કન્વર્ટ થઇ શકે તેવી વિશેષ સુવિધા પણ છે.