Gujarati News

(અશ્વિન વ્યાસ) ગાંધીનગરઃ રાજકોટ અને અમદાવાદ શહેરમાં બનાવટી પોલીસ બનીને લોકોને હેરાન કરતા હોવાની બાબત અને કોંગ્રેસના લલીતા વસોયાના પ્રશ્નના ઉત્તરમાં રાજય ગૃહમંત્રીએ જણાવ્યું હતુ કે તા.૩૧/૧૨/૨૦ની સ્થિતિએ છેલ્લા બે વર્ષમાં આવા નકલી રાજકોટમાં ૧૨ અને અમદાવાદમાં ૧૧૮ લોકો માલુમ પડયા છે.

આ બનાવટી પોલીસો રાજકોટ અને અમદાવાદ શહેરમાંથી નકલી પોલીસ બનીને લોકોને હેરાન કરતા પૈસા ઉઘાવરતા તેમજ ડરાવતા માલુમ પડેલ છે. આ અંગે પુરતી ચકાસણી તેમજ તપાસ કરી કાર્યવાહી કરવામાં આવી રહી છે.

કોઇપણ સંજોગોમાં આવી પ્રવૃતિ ચલાવી લેવાય નહિ સરકાર આવા ગુનેગારોને કયારેય છોડશે નહિ આ બાબતે વિગતવાર તપાસ કરતા ૧૦ આરોપીઓ એક કરતા વધુ વખત પકડાયેલ છે. આ અંગે પુછપરછ કરી બધુ વિગતો મેળવી અન્ય ગુનેગારોની તપાસ આવી રહી છે.