અમદાવાદ એરપોર્ટનું સંચાલન કરતી અદાણીએ પાર્કિંગના ચાર્જમાં વધારો ઝીંંકી દીધોઃ વિરોઘ

News of Thursday, 1st April 2021

અમદાવાદ એરપોર્ટનું સંચાલન કરતી અદાણીએ પાર્કિંગના ચાર્જમાં વધારો ઝીંંકી દીધોઃ વિરોઘ

ફોરવ્હીલના ૩૦ મીનીટના રૂ.૯૦, બે કલાકના ૧૫૦ રૂા, ટુ-વ્હીલરના ૩૦ મીનીટના રૂ.૩૦ અને બે કલાકના રૂ. ૮૦ ચુકવવા પડશેઃ ૫ મીનીટ ફ્રી મળશે

અમદાવાદઃ અમદાવાદ એરપોર્ટ પર ૧ એપ્રિલથી એટલે કે આજથી પાકિંગ ચાર્જમાં વધારો થશે. એરપોર્ટનું સંચાલન કરતી અદાણી કંપનીએ કાર ર્પાકિંગ ચાર્જમાં બમણા અને ટૂ-વ્હીલર ર્પાકિંગ ચાર્જમાં ચાર ગણા વધારા સાથે એરપોર્ટ પર પિકઅપ ડ્રોપ ટાઇમ ૫ મિનિટનો કરી દેવાતાં વિરોધ થયો છે. જોકે પ્રથમ અડધા કલાકથી લઈને ૨ કલાક અને ૨૪ કલાકના ર્પાકિંગ ચાર્જ નક્કી કરવામાં આવ્યા છે. એરપોર્ટ પર આવતાં-જતાં વાહનો માટે માત્ર ૫ાંચ મિનિટનો ફ્રી ટાઇમ આપ્યો છે, જેને કારણે હવે આવતા-જતા કારચાલક પાસેથી ૩૦ મિનિટના રૂ. ૯૦ અને ૨ કલાકના રૂ. ૧૫૦ વસૂલાશે. ટૂ-વ્હીલરના ૩૦ મિનિટના રૂ. ૩૦ અને ૨ કલાકના રૂ. ૮૦ ચૂકવવા પડશે. એરપોર્ટમાં રોડ પર તૈયાર થનારા ર્પાકિંગ ટોલ બૂથથી ટર્મિનલ સુધી જઈને પરત આવવામાં ૭થી ૮ મિનિટનો સમય લાગતો હોવાથી એરપોર્ટના એરાઇવલ અને ડિપાર્ચર વિસ્તારમાં આવતાં વાહનોના પણ ર્પાકિંગ ચાર્જ ચૂકવવા પડશે. એરપોર્ટના ઓટો સ્ટેન્ડમાં આવતા રિક્ષાચાલકોએ ર્પાકિંગમાં ઊભા રહેવાના રૂ. ૬૦ ચાર્જ ચૂકવવો પડશે તેમ જ એરપોર્ટ પર આવતા પ્રી-પેઇડ ટેકસીચાલકોને પણ ભાવવધારાની જાણ કરાઈ છે.

(3:09 pm IST)