રાજકોટ તા. ૧: ગુજરાતી ફિલ્મ ઇન્ડસ્ટ્રી હવે એક એકથી ચઢીયાતી અને અલગ અલગ વિષયો ધરાવતી મનોરંજક ફિલ્મો આપે છે. આ કારણે જ લોકો હવે ગુજરાતી ફિલ્મો નિહાળતાં થયા છે. ગુજરાતી ફિલ્મ ઇન્ડસ્ટ્રીમાં પરિવર્તનનો પવન ફુંકાઇ રહ્યો છે ત્યારે વધુ એક ભરપુર મનોરંજક ગુજરાતી ફિલ્મ આ શુક્રવારે ૩ માર્ચના રોજ રિલીઝ થઇ છે. ફિલ્મનુંનામ ‘ગુજરાતથી ગોવા' છે.
અગાઉ બજેટના અભાવે નિર્માતા-દિગ્દર્શકે ચાલી જશે... ચલાવી લેશું... નો આશરો લેવો પડતો. જોકે નવી પેઢીના સર્જકોની સાથે હવે પીઢ સર્જકો પણ પર્ફેક્શનનો આગ્રહ રાખવા માંડ્યા છે. તાજેતરમાં આવેલી અનેક ફિલ્મોએ આ વાત પુરવાર કરી છે. ફિલ્મ સર્જકોના આ નવા ટ્રેન્ડને દર્શકો પણ વધાવી રહ્યા છે.ﾠﾠﾠ
એક સમયે હીરો તરીકે ગુજરાતી ફિલ્મ ઇન્ડસ્ટ્રી ગજવનાર અવ્વલ દરજ્જાના કલાકારﾠરાજદીપﾠદિગ્દર્શક તરીકેની તેમની પહેલી ગુજરાતી ફિલ્મﾠ‘ગુજરાતથી ગોવા'ﾠ લાવી રહ્યા છે. આ ફિલ્મ શુક્રવારે ૩ માર્ચે ગુજરાતભરમાં રિલીઝ થઈ રહી છે. પર્ફેક્શનના આગ્રહી રાજદીપે ફિલ્મમાં આવતાﾠગોવાના દૃશ્યો શૂટ કરવા માટે ચાર દિવસ એક લક્ઝરી ક્રુઝ ભાડે રાખી હતી.ﾠક્રુઝ પર ફિલ્મના મહત્ત્વના સીન ફિલ્માવાયા છે.
ફિલ્મની વાર્તા વિશે રાજદીપ કહે છે કે પૈસાદાર પિતાના બે સંતાનની વાત છે. જેઓ ખોટી સોબતને કારણે મુસીબતમાં મુકાય છે અને એમાંથી બહાર આવવાની તેમની મથામણ દર્શાવવામાં આવી છે. એ સાથે આજની પેઢીના યુવાનો માટે એક સંદેશ પણ છે. ફિલ્મમાં અલગ અલગ મૂડના ચાર ગીતો છે. અમે લખલૂટ ખર્ચે ફિલ્મના અતિ મહત્ત્વના દૃશ્યો ક્રુઝ પર ફિલ્માવ્યા છે. શુટીંગમાં બોલિવુડના વિખ્યાત વિલનﾠશક્તિ કપૂરﾠઉપરાંત બે હીરોﾠઅક્ષત ઇરાનીﾠઅનેﾠયશ શાહﾠસહિત અન્ય કલાકારો સાથે ક્રુઝ પર ફિલ્માવાયેલા દૃશ્યો ફિલ્મની વાર્તાના ટર્નિંગ પોઇન્ટ છે.
રાજદીપે વધુમાં જણાવ્યું કે, ગુજરાતથી ગોવા એક એન્ટરટેઇન્મેન્ટ ફિલ્મ છે જેમાં મુખ્ય આકર્ષણ છે શક્તિ કપૂર. જે પહેલીવાર એક ખૂંખાર વિલન તરીકે જોવા મળશે. ઉપરાંત ક્રુઝ પર ફિલ્માવાયેલો બેલે ડાન્સ પણ દર્શકોને પસંદ પડશે. એ સિવાય હિન્દી ફિલ્મ-ટીવી સિરિયલના જાણીતા કલાકાર શેખર શુક્લા (અનુપમા ફેઇમ), એક સમયની ઢોલિવુડની ઝાઝરમાન અભિનેત્રી મીનાક્ષી જેવા કલાકાર પણ એક અલગ અંદાજમાં જોવા મળશે.
સ્મિત વંદન ફિલ્મ પ્રોડક્શન હેઠળ બનેલી ફિલ્મ સમગ્ર ગુજરાત અને મુંબઈમાં રિલીઝ થઈ રહી છે. જેના નિર્માતા સ્મિતા બી બારોટ,ﾠઈન્દિરાબેન એમ. પટેલ,ﾠવિનલબેન એસ. પટેલ,ﾠવંદના બી. રાવલ,ﾠઈરફાના એફ. હુનાની,ﾠઝમીર ખાન છે. સંગીત શિવમ બાગ્ચીનું અને ગીતો કેશવ રાઠોડ, હેમંત અને માહિલ પલ્લવીનાં છે. એક્શન કોરિયોગ્રાફી દિલીપ યાદવની છે.
ફિલ્મમાં શક્તિ કપૂર,ﾠઅક્ષત ઈરાની,ﾠયશ શાહ,ﾠશેખર શુક્લા,ﾠમીનાક્ષી મણિ,ﾠહૃદયા સિંહ,ﾠતનુ રાઠોડ,ﾠસાહિલ ખાન,ﾠશાહરૂખ સાદરી,ﾠઆત્મારામ ત્રિપાઠી,ﾠભરત બ્રહ્મભટ્ટ,ﾠસ્મિતા બારોટ,ﾠસાવન રાજ,ﾠઅમી નીમા,ﾠઅસ્મી રિશાલ,ﾠકૌશર મલેક જાગૃતિ પરીખ,ﾠઆશિષ સુખડવાલા,ﾠરાજુ ભરૂચી,ﾠરોબી,ﾠઈરફાના એફ. હુનાની,ﾠસમીર ફનાસિયા,ﾠરાજીવ પંચાલ,ﾠપંકજ પાઠકજી,ﾠપ્રવિણપાન પાટીલ,ﾠપ્રકાશ મસાલાવાલા,ﾠઅકબર ખાન,ﾠઅસલમ ખાન,ﾠદેવાંગ રાવલ,ﾠરોશની રાઠોડ,ﾠડો. વિનોદ ગોર,ﾠકાશ્મીરા સુખડવાલા,ﾠવંદના રાવલ અને રાજદીપે અભિનયના ઓજસ પાથર્યા છે.
.png)
છેલ્લા 8 દિવસમાં સૌથી લોકપ્રિય
મુખ્ય સમાચાર
સૌરાષ્ટ્ર કચ્છ
દેશ-વિદેશ
ખેલ-જગત
ફિલ્મ જગત