Gujarati News

(ભરત શાહ દ્વારા) નર્મદા જિલ્લાના ડેડીયાપાડા તાલુકાના મંડાળા ગ્રામ પંચાયતનાં તલાટી ગામના જ સરપંચ પાસે લાંચ માંગતા એસીબી ટીમે લાંચ લેતા રંગે હાથ ઝડપી ગુનો દાખલ કર્યો છે

પ્રાપ્ત વિગતો અનુસાર ફરિયાદ ડેડીયાપાડા બસ ડેપો સામે આવેલા એક મકાનમાં એસીબી એ ટ્રેપ ગોઠવી હોય જેમાં ટ્રેપિંગ અધિકારી માં ડી.ડી.વસાવા,પો.ઇન્સ.નર્મદા એ.સી.બી. પો.સ્ટે.રાજપીપળા એ તેમની ટીમ સાથે ઝાંક ગામમાં સરપંચ ની ફરિયાદના મુજબ RCC રસ્તાના કામ ૧૫માં નાણાં પંચમાંથી કુલ રૂ।.૩,૬૨૦૦૦- જેટલી રકમ મંજુર કરવામાં આવેલ જે રસ્તાના કામો સરપંચે જાતે કરેલ હોય તેમના ગૃપ ગ્રામ પંચાયતમાં તલાટી કમ મંત્રી રીતેષભાઈ ગેમરભાઈ દેસાઈનાઓએ આ કામોની ટકાવારી ફરિયાદી પાસે માંગેલ જે લાંચની રકમ ફરીયાદી આપવા માંગતા ન હોય માટે એ.સી.બી. નો સંપર્ક કરી ફરીયાદ કરતાં આ ફરીયાદ આધારે રાજપીપળા એસીબી ટીમે લાંચના છટકાનું આયોજન કરતાં તલાટી રીતેષભાઈ ગેમરભાઈ દેસાઈ રૂા.૧૫,૦૦૦ લાંચની માંગણી કરી હોય એ રકમ સ્વીકારી સ્થળ ઉપરથી પકડાઇ જતાં એસીબીએ તેની સામે ગુનો દાખલ કર્યો છે