Gujarati News

મુંબઈ: બોલિવૂડનો સિંઘમ સ્ટાર અજય દેવગણ રોકસ્ટાર રણબીર કપૂર સાથે કામ કરવા જઈ રહ્યો છે.પ્યાર કા પંચનામા અને સોનુ કે ટીટુ કી સ્વીટી જેવી ફિલ્મ્સના ડિરેક્ટર લુવ રંજન ટૂંક સમયમાં એક મોટો પ્રોજેક્ટ શરૂ કરવા જઈ રહ્યા છે. આ ફિલ્મમાં લવ રંજન અજય દેવગન અને રણબીર કપૂરને સાથે લાવવાની તૈયારીમાં હતો.એવું કહેવામાં આવી રહ્યું હતું કે અજય અને રણબીરે આ ફિલ્મ કરવાનો ઇનકાર કરી દીધો છે, પરંતુ હવે બંને લુવ રંજનની ફિલ્મમાં સાથે જોવા મળશે.અજય દેવગને કહ્યું કે, તે 2020 ના અંત સુધીમાં લુવ રંજનની ફિલ્મનું શૂટિંગ શરૂ કરશે. તેમણે કહ્યું, આ પ્રોજેક્ટ ચાલુ છે, હું મારા કામમાં અટવાઈ ગયો હતો, તેથી તારીખો આગળ વધી રહી હતી, આશા છે કે તે 2020 ના અંત સુધીમાં શરૂ થઈ જશે.