Gujarati News

રણવીર સિંહ અને દીપિકાના લગ્ન વિશે દરરોજ નવી માહિતી સામે આવી રહી છે. ‘દીપવીર’ના લગ્ન સૌથી મોટા રોયલ વેડિંગ પૈકીના એક છે. બંને 14-15 નવેમ્બરે ઈટલીમાં સાત ફેરા ફરશે. આ લગ્ન વિશે વધુ એક બાબત સામે આવી છે કે, દીપિકા-રણવીરે કેટરર્સ પાસે એક વિશેષ બોન્ડ સાઈન કરાવ્યો છે.

વાનગીઓ નહીં થાય રીપિટ

દીપવીરના લગ્ન કલર કોઓર્ડિનેટડ હશે. માત્ર પરિવારના લોકો જ નહીં વેટર્સને પણ ડ્રેસ કોડનું પાલન કરવું પડશે. સૂત્રો તરફથી મળેલી માહિતી પ્રમાણે, શેફ સાથે કરાર કરવામાં આવ્યો છે, જેમાં શરત મૂકવામાં આવી છે કે જે વાનગીઓ આ લગ્નમાં બનશે તે અન્ય કોઈ સ્થળે બીજીવાર નહીં બને. આ માટે ખાસ લેખિત કરાર પર હસ્તાક્ષર કરવામાં આવ્યા છે. આ દરેક ડિશ ખૂબ ખાસ હશે.

‘ઈટલી છે શાનદાર ડેસ્ટિનેશન’

રણવીર-દીપિકાના લગ્ન સિંધી અને તમિલ રીતિ-રિવાજોથી થશે. રિપોર્ટ્સ પ્રમાણે, બંનેએ Villa del Balbianelloમાં લગ્ન કરવાનો નિર્ણય કર્યો છે. મીડિયા સાથેની વાતચીતમાં ઈટાલીના પ્રધાનમંત્રીએ વાત કરતાં કહ્યું કે, “ઈટાલી હંમેશા એક શાનદાર ડેસ્ટિનેશન રહ્યું છે. અમારી વિસ્તૃત સંસ્કૃતિ, ખુશનુમા નજારા, ફેશન, ડિઝાઈન, સિનેમા અને ડિલીશિયસ ભોજન દુનિયાભરના ટુરિસ્ટને આકર્ષે છે.”

2013થી કરે છે એકબીજાને ડેટ

દીપિકા-રણવીરનું ટ્યુનિંગ હંમેશા સ્પેશિયલ રિલેશનશીપની સાક્ષી પૂરે છે. રિપોર્ટ પ્રમાણે, આ કપલ 2013થી રિલેશનશીપમાં છે. આ કપલે ત્રણ ફિલ્મો સાથે કરી છે અને ત્રણેય સંજય લીલા ભણસાલીની છે. ઈટાલીમાં લગ્ન બાદ બેંગ્લોર અને મુંબઈમાં ગ્રાંડ રિસેપ્શન આપશે. તો કેટલાક રિપોર્ટ્સ એવા પણ છે જેમાં દાવો કરાયો છે કે બંને ઈટલીમાં નહીં મુંબઈમાં જ લગ્ન કરશે.