Gujarati News

મુંબઈ: બોલીવુડ અભિનેતા અક્ષય કુમાર અત્યારે પોતાની આગામી ફિલ્મ ગોલ્ડના પ્રમોશનમાં વ્યસ્ત છે. આ ઉપરાંત તે કેસરી ફિલ્મમાં પણ નજરે પડવાનો છે. ત્યારે પોતાની ફિલ્મ ગોલ્ડના પ્રમોશન દરમિયાન પત્રકારો સાથે વાતચીત દરમિયાન તેણે જણાવ્યુ કે, ઓ માય ગોડની સિક્વલ પણ બનાવાશે. આ માટે તે અત્યારે એક સારી સ્ક્રિપ્ટની તલાશમાં છે. અક્ષયનુ કહેવુ છે કે તે ઓ માય ગોડના બીજા ભાગ માટે ઘણા સમયથી વિચારી રહ્યો છે. અત્યાર સુધી તે આ માટે ૪ વાર્તા સાંભળી ચુક્યો છે, પરંતુ એકપણ વાર્તા તેને પ્રભાવિત કરી શકી નથી. આ ઉપરાંત તે પોતાની સુપરહિટ ફિલ્મ રાઉડી રાઠોડની પણ સિક્વલ બનાવવાનુ પ્લાનિંગ કરી રહ્યો છે. આ બન્ને ફિલ્મો પર હાલ સ્ક્રિપ્ટ પર કામ ચાલી રહ્યુ છે.