Gujarati News

મુંબઇ, તા.૨૯: હાલમાં જ એકટ્રેસ પદ્મિની કોલ્હાપુરેના દીકરા અને શ્રદ્ઘા કપૂરના કઝિન પ્રિયાંક શર્માની સગાઈ થઈ છે. પ્રિયાંક શર્માએ તેની ગર્લફ્રેન્ડ શઝા મોરાની સાથે સગાઈ કરી કે જે કરીમ મોરાનીની દીકરી છે. હવે વાત જાણે એમ છે કે શ્રદ્ઘા કપૂરે તેના કઝિન પ્રિયાંક શર્માની સગાઈમાં જે સાડી પહેરી હતી તેની કિંમત જાણીને તમે કદાચ ચોંકી શકો છો.

શ્રદ્ઘા કપૂરે તેના કઝિન પ્રિયાંક શર્માની સગાઈ માટે એવો લૂક પસંદ કર્યો હતો જે ટ્રેડિશનલ હોવાની સાથે-સાથે ગ્લેમરસ પણ હતો. શ્રદ્ઘા કપૂરે આ સગાઈના પ્રસંગમાં કેમલ યલો (પીળા) કલરની સાડી પહેરી હતી. આ સાડીની સાથે મેચિંગ સ્લીવલેસ બ્લાઉઝ હતો કે જેના પર રિચ એમ્બ્રોઈડરી કરવામાં આવી હતી.

શ્રદ્ઘા કપૂરે કઝિનની સગાઈના આ ખાસ પ્રસંગ માટે ડિઝાઈનર અર્પિતા મહેતાના લેબલમાંથી સાડી પસંદ કરી હતી. ઓફિશિયલ વેબસાઈટ પર ઉપલબ્ધ જાણકારી અનુસાર શ્રદ્ઘા કપૂરે પહેરેલી આ સાડીની કિંમત રૂપિયા ૬૨,૦૦૦ છે. આ સાડીમાં ત્રણ અલગ-અલગ શેડ્સ ઉપલબ્ધ છે. આ ટ્રેડિશનલ સાડી ડિઝાઈનર અર્પિતા મહેતાના બ્રાઈડલ કલેકશનનો ભાગ છે. જો તમારે આ સાડી લેવી હોય તો અર્પિતા મહેતાની વેબસાઈટ પર ઉપલબ્ધ છે.

શ્રદ્ઘા કપૂર આ સાડીમાં ખૂબ જ સુંદર લાગી રહી હતી. માત્ર સાડી જ નહીં પણ શ્રદ્ઘા કપૂર વિવિધ ટ્રેડિશનલ કપડામાં દ્યણી વખત જોવા મળી છે. હંમેશાં તેની ફેશન આ પ્રકારની જોવા મળી છે. શ્રદ્ઘા કપૂર તે નેચરલ બ્યુટી છે જે કોઈપણ કપડામાં સુંદર લાગે છે. તેમાં પણ ખાસકરીને શ્રદ્ઘા કપૂરની સુંદરતા ઈન્ડિયન ડ્રેસમાં વધુ જોવા મળે છે.