Gujarati News

વિદ્યા બાલન એવી અભિનેત્રી છે જે પોતાને મળેલા પાત્રમાં ઢળી જવા અઢળક મહેનત કરવા માટે જાણીતી છે. તે અભિનયને પરદા પર સહજ અને ખુબસુરત રીતે ઉતારી શકે છે. આ કારણે વિદ્યા અને તેણે નિભાવેલા પાત્ર સાથે દર્શકોને પ્રેમ થઇ જાય છે. વિદ્યાએ દરેક ફિલ્મમાં આવી ભુમિકાઓ નિભાવી છે. તેની ડર્ટી પિકચરની બિન્દાસ્ત હોટ સિલ્ક અને પરિણિતાની ભુમિકા નજર સામે જ રહે છે. હવે પછી વિદ્યા ગણિતજ્ઞ શકુંતલા દેવીના જીવન પર આધારીત ફિલ્મ શકુંતલામાં જોવા મળવાની છે. તેની આ ફિલ્મ એકત્રીસમીએ રિલીઝ થઇ રહી છે. વિદ્યા ફરી એક વખત દિલચશ્પ પાત્ર સાથે દર્શકોને મંત્રમુગ્ધ કરવા તૈયાર છે. તેની આ ફિલ્મ ડિજીટલ પ્લેટફોર્મ પર રિલીઝ થવાની છે. ટ્રેલર લોકોને ખુબ ગમ્યું છે. શકુંતલા દેવીએ પોતાની જિંદગીમાં વાંસળી પણ વગાડી હતી. વિદ્યાને જ્યારે આ વાતની ખબર પડી ત્યારે તેણે પણ આ દ્રશ્યને પરદા પર ઉતારવા માટે સાચ્ચે જ વાંસળીવાદનની તાલિમ લીધી હતી. શકુંતલા દેવીના દરેક પાસાનો વિદ્યાએ જીણવટથી અભ્યાસ કર્યો હતો. વિદ્યાની આ મહેનતના દરેક લોકો વખાણ કરી રહ્યા છે.