Gujarati News

મુંબઈ: સિદ્ધાર્થ મલ્હોત્રાની ૨૦૧૪માં રીલિઝ થયેલી ફિલ્મ 'એક વિલેન ની સિકવલની તૈયારી થઇ રહી હોવાની ચર્ચા છે. મોહિત સુરીના દિગ્દર્શનમાં બનનારી આ ફિલ્મની સિકવલમાં અર્જુન કપૂર નકારાત્મક પાત્રમાં જોવા મળશે, જ્યારે સિદ્ધાર્થ મલ્હોત્રા મુખ્યઅભિનેતા તરીકે હશે. જોકે આ બાબતે હજી કોઇ અંતિમ નિર્ણય લેવામાં આવ્યો નથી. સૂત્રની વાત સાચી માનીએ તો, ફિલ્મના નિર્માતાએ સિદ્ધાર્થ અને અર્જુન બન્ને સાથે મુલાકાત કરી છે. આ ફિલ્મના મુખ્ય અભિનેતા  માટે સિદ્ધાર્થનો સંપર્ક કરવામાં આવ્યો છે. જ્યારે અર્જુન કપૂર નેગેટિવ પાત્રમાટે હોય તેવી શક્યતા છે. જોકે હજી કોઇ અંતિમ નિર્ણય લેવામાં આવ્યો નથી. બન્ને એકટરોએ આ પ્રોજેક્ટમાં રસ દાખવ્યો છે. જોકે હજી વાતચીત જ ચાલી રહી છે, તેમજ કોઇ અંતિમ નિર્ણય લેવાયો નથી. જોકે પહેલા એવી અફવા હતી કે, 'એક વિલેનની સિકવલમાંથી સિદ્ધાર્થ મલ્હોત્રા નીકળી ગયો છે. તેથી તેના સ્થાને અર્જુન કપૂરને લેવામાં આવશે.