Gujarati News

મુંબઈ: પશ્ચિમ બંગાળના રાણાઘાટ રેલ્વે સ્ટેશન પર 'એક પ્યાર કા નગ્મા હૈ' ગીત ગાતાં રાતોરાત સુપરસ્ટાર બનેલા રાણુ મંડળે દેશભરમાં એક ખાસ ઓળખ બનાવી છે. સિંગર હિમેશ રેશમિયાની આગામી ફિલ્મ હેપ્પી હાર્ડી અને હીરનું રાનુ ને તેરી મેરી કહાની નામનું ગીત છે. હિમેશે તાજેતરમાં જ આ ગીતને રણુ સાથે સ્ટુડિયોમાં રેકોર્ડ કર્યું છે.હવે બોલિવૂડ સુપરસ્ટાર સલમાન ખાને રણુ મંડળને એક ઘર ગિફ્ટ કર્યું છે. સોશિયલ મીડિયા પર મળતા અહેવાલો અનુસાર સલમાને રણુને લગભગ 55 લાખનું ઘર ગિફ્ટ કર્યું છે. જોકે સલમાન વતી આ અંગે કોઈ પુષ્ટિ થઈ નથી, પરંતુ સોશિયલ મીડિયા પર એવી ચર્ચા ચાલી રહી છે કે સલમાન રણુના ગાયનથી ખૂબ પ્રભાવિત થયો હતો અને તેને ઘર ભેટ આપી હતી.