Gujarati News

બોલીવૂડમાં શરમન જોષીને થ્રી ઇડિયટ્સના તેના રોલથી વધુ ઓળખવામાં આવે છે. હવે તેની નવી ફિલ્મ ફોૈજી કોલિંગ આવી રહી છે. આ ફિલ્મમાં તેની સાથે રાંઝા વિક્રમ સિંહ, બિદિતા બૈગ, માહિ સોની, મુગ્ધા ગોડસે, ઝરીના વહાબ, શિરીષ શર્મા સહિતના કલાકારો કામ કરી રહ્યા છે. આ ફિલ્મ એક એવા હુમલા પર આધારીત છે જેના કારણે દેશભરમાં હલચલ મચી ગઇ હતી. બહાદુર સૈનિકોના જીવનને અને સમગ્ર દેશની જનતાને એ ઘટનાએ અસર પહોંચાડી હતી. શરમન જોષી કહે છે આ ફિલ્મ એક ફોન કોલ વિશે છે. જેના કારણે સીમા પર ફરજ બજાવતાં ફોૈજીની જિંદગી બદલી ગઇ હતી. વોર સંલગ્ન અનેક ફિલ્મો આપણે જોઇ છે. અમાર ફિલ્મ એ બતાવશે કે ફોૈજી કેવી સ્થિતિમાંથી પસાર થતાં હોય છે. ફોૈજીઓના પરિવારજનો કેવા ડર અને ખોફના માહોલમાં જીવતા હોય છે. રાંઝા વિક્રમસિંહના કહેવા મુજબ આ ફિલ્મ ભારતીય સેના અધિકારીના જીવનની લાગણીશીલ પળો ઉપરાંત તેમની બહાદુરી પણ દેખાડશે. ફિલ્મના રાઇટર-ડિરેકટર આર્યન સકશેના છે. ફિલ્મ ફેબ્રુઆરીમાં રિલીઝ થશે.