Gujarati News

છેલ્લે ચંદ્રકાંતા નામના ટીવી શોમાં જોવા મળેલી કૃતિકા કામરાને પણ ફિલ્મમાં કામ કરવાની તક મળી ગઇ છે. કૃતિકાએ તો આ શો પુરો થતાં જ ફરવા જવા માટેની તૈયારી કરી લીધી હતી. પરંતુ નસિબ તેના માટે કંઇક અલગ જ લઇને આવ્યું હોય તેમ તેને શો પુરો થતાં જ ફિલ્મની ઓફર મળી ગઇ હતી. રાષ્ટ્રીય પુરષ્કાર વિજેતા નિતીન કક્કડની ફિલ્મમાં તેને કામ મળી ગયું છે. આ ફિલ્મનું શુટીંગ પણ ચાલુ થઇ ગયું છે. અમદાવાદમાં પણ શુટીંગ થયું હતું. કૃતિકા કહે છે ફિલ્મમાં કામ કરવા માટેનું મારું કોઇ આયોજન જ નહોતું. આથી હું સિરીયલ પુરી થતાં ફરવા જવાની હતી. પણ મને ફિલ્મની ઓફર મળતાં જ મેં કામ સ્વીકારી લીધુ હતું. દિવાળીના વેકશનમાં પણ મેં ફિલ્મ માટે કામ કર્યુ હતું.