Gujarati News

અભિનેત્રી પરિણીતી ચોપડા કહે છે હું હમેંશા એવી ફિલ્મનો ભાગ બનવા ઇચ્છતી હતી જે બધા માટે મનોરંજક હોય. ગોલમાલ અગેઇન ફિલ્મ કરીને હું ખુબ જ ખુશ છું. આ ફિલ્મ ખુબ મોટી હિટ નિવડી છે અને ચોવીસ દિવસમાં જ બસ્સો કરોડ કમાઇ લીધા છે. પરિણીતી કહે છે હું નસિબદાર છું કે મને ગોલમાલ અગેઇનમાં કામ કરવાની તક મળી. હું આ ફિલ્મ કરીને સફળતા અનુભવી રહી છું અને ખુબ જ ખુશ છું. ૨૮ વર્ષિય પરિણીતા કહે છે રોહિત શેટ્ટી દર્શકોની રગેરગથી વાકેફ છે અને તે હમેંશા દર્શકોને ખુશ કરે છે. મને રોલ આપ્યો એ માટે હું એની પણ આભારી છું. દર્શકોએ આ ફિલ્મને ભરપુર પ્રેમ આપ્યો છે. બાળકો પણ હવે તો મને ખુશી કહીને બોલાવતાં થઇ ગયા છે. એ દર્શાવે છે કે દર્શકોને ફિલ્મ ખુબ ગમી છે.