Gujarati News

મુંબઇ:  બોલિવૂડના બેતાજ બાદશાહ શાહરુખ ખાનને મહિલા હૉકી ટીમના કોચ તરીરે રજૂ કરતી ફિલ્મ ચક દે ઇન્ડિયાના ડાયરેક્ટર સાથે શાહરુખ ખાન ફરી કામ કરશે એવી જાણકારી મળી હતી. યશ રાજની આ ફિલ્મ હૉકીની રમત વિશેની પહેલી ફિલ્મ હતી જેમાં શાહરુખે શીમિત અમીનના નિર્દેશનમાં ભારતીય મહિલા હૉકી ટીમના કોચનો રોલ કર્યો હતો અને એ ફિલ્મ હિટ નીવડી હતી. ચક દે ઇન્ડિયા રજૂ થયાના લગભગ અગિયાર વરસ બાદ હવે ફરી શીમિત અને શાહરુખ સાથે કામ કરશે એવી માહિતી મળી હતી. જો કે શીમિતની આ ફિલ્મ બે હીરોને સાથે ચમકાવે એવી હોવાનું કહેવાય છે. શાહરુખે પોતાના તરફથી આ ફિલ્મ કરવાની હા પાડી હોવાનંુ જાણવા મળ્યું હતું. શીમિતની નિકટનાં સૂત્રોએ આ માહિતી આપતાં કહ્યું કે આમ તો ગયા વરસે શીમિતજી અને શાહરુખ વચ્ચે એક અનૌપચારિક બેઠક મળી હતી જેમાં શીમિતે પોતાના મનમાં રમી રહેલી સ્ટોરીલાઇન શાહરુખને સંભળાવી હતી. શાહરુખને એ સ્ટોરી ગમી હતી અને એણે આ સ્ટોરીલાઇન પર શીમિત ફિલ્મ બનાવે તો કામ કરવાની ઇચ્છા વ્યક્ત કરી હતી.