Gujarati News

અભિનેત્રી સોનાક્ષી સિન્હાની ફિલ્મ 'ખાનદાની શફાખાના'નું ટ્રેલર રિલીઝ થઇ ગયું છે. આ ટ્રેલરને લોકો પસંદ કરી રહ્યા છે. બીજી તરફ પ્રિયંકા ચોપડાએ ટ્વિપર પર સોનાક્ષી સિન્હા અને વરૂણ શર્મા સ્ટાર ફિલ્મ ખાનદાની શફાખાનાનું ટ્રેલર પોસ્ટ કર્યુ હતું.  આ પાછળનું કારણ એ છે કે ફિલ્મમાં પ્રિયંકાનો ભાઇ સિધ્ધાર્થ પણ છે. પ્રિયંકાએ ભાઇના વખાણ કરતાં લખ્યું છે કે સિધ્ધાર્થ ચોપડા હું તારા કામથી ખુશ છું. મને તારા પર ગોૈરવ છે, આખી ટીમને ગૂડલક. જો કે પ્રિયંકાના આ લખાણ પરથી એ સ્પષ્ટ નથી થયું કે તેનો ભાઇ આ ફિલ્મ સાથે કઇ રીતે જોડાયેલો છે? તે અભિનય કરી રહ્યો છે કે પછી નિર્માતા બન્યો છે તે નક્કી થયું નથી. પોસ્ટરમાં પણ સિધ્ધાર્થનું નામ કયાંય નથી. આથી હવે ફિલ્મ રિલીઝ થાય ત્યાં સુધી રાહ જોવી પડશે. શિલ્પીદાસ ગુપ્તા નિર્દેશીત આ ફિલ્મ ૨૬ જુલાઇએ આવશે. સોનાક્ષીને એક હિટ ફિલ્મની જરૂર છે. તેથી આ ફિલ્મ પર તેને ખુબ આશા છે. દબંગ ગર્લ તરીકે જાણીતી સોનાક્ષી ફરીથી દબંગ સિરીઝની ત્રીજી ફિલ્મમાં સલમાન ખાન સાથે પણ જોવા મળશે.