Gujarati News

મુંબઈ:સુપરસ્ટાર રજનીકાંતની ફિલ્મ કાલાની દર્શકો આતુરતાપૂર્વક રાહ જોઈ રહ્યા છે. ત્યારે હવે ફિલ્મનું નવુ પોસ્ટર રીલીઝ કરવામાં આવ્યુ છે જેની સાથે ફિલ્મના ટીઝરની રીલીઝ ડેટ પણ જાહેર કરવામાં આવી છે. આ ફિલ્મનું ટીઝર ૧ માર્ચે રીલીઝ કરવામાં આવશે અને ફિલ્મના નવા પોસ્ટરની વાત કરવામાં આવે તો આમાં રજનીકાંતનો અલગ અંદાજ જોવા મળ્યો છે. મહત્વનુ છે કે આ ફિલ્મ ૨૭ એપ્રિલે રીલીઝ થવા જઈ રહી છે. જોકે, આ પહેલા એવુ માનવામાં આવી રહ્યુ હતું કે આ ફિલ્મ રજનીકાંતની ફિલ્મ ૨.૦ પછી રીલીઝ થશે. કાલા ફિલ્મનું નિર્દેશન પીએ રંજીતે કર્યુ છે અને ફિલ્મને લાઈકા પ્રોડક્શન દ્વારા પ્રોડયુસ કરવામાં આવી છે. સુપરસ્ટાર રજનીકાંત આ ઉપરાંત ડાયરેક્ટર સુબબરાજની ફિલ્મમાં પણ આગામી સમયમાં નજરે પડશે.