Gujarati News

Gujarati News

News of Wednesday, 25th November 2020

ટ્વિટર એન્ગેજમેન્ટ રેસમાં સોનુ સુદે શાહરૂખ અને અક્ષયકુમાર જેવા મોટા સ્ટાર્સને પણ પછાડી દીધા

સોનુ સુદ 2.4 મિલિયન એન્ગેજમેન્ટસ સાથે ટોપ પર પહોંચ્યો

મુંબઈ : સોનુ સુદ હવે ટ્વિટર રેસમાં બોલીવુડના તમામ ખાન, કુમાર અને કપૂર્સને પાછળ છોડીને આગળ નીકળી ગયો છે. સોનુસુદ દેશભરમાં લોકપ્રિય હિરો તરીકે પ્રસ્થાપિત થયો છે.

સોનુ સુદે માઇગ્રન્ટ મજૂરો, વિદ્યાર્થીઓ, પહેલી હરોળના કામદારો, સર્કસના ખેલ સાથે સંકળાયેલા લોકો અને કોરોનામાં ફસાયેલા હજારો દર્દીઓ માટે કરી હતી. બાદમાં સોનુ સુદ રાતોરાત દેશભરના લોકો માટે પ્રેરણારૂપ બની ગયો.
તાજેતરમાં સોનુ સુદને ઇલેક્શન કમિશન ઓફ ઇન્ડિયા દ્વારા પંજાબના સ્ટેટ આઈકોન તરીકે નિયુક્ત કરાયો હતો. ત્યારે હવે સોનુ સુદે વધુ એક સિદ્ધી મેળવી છે.ટ્વિટર એન્ગેજમેન્ટ રેસમાં સોનુ સુદે સુપરસ્ટાર શાહરૂખખાન અને અક્ષય કુમારને પણ પાછળ છોડી દીધા છે. કોવીડ-19ના કપરા કાળમાં જરૂરીયાદમંદોને મદદ કરવા માટે સોશીયલ મિડિયા પર એકાઉન્ટ ખોલ્યા બાદ સોનુ સુદના ટ્વિટર પર એન્ગેજમેન્ટ એટલા વધી ગયાં છે કે લોકોને મદદ કરવાના તેના અભિગમે જ તેને ટોપ પોઝીશન પર પહોંચાડી દીધો.
  એક સોશીયલ મિડિયા એનાલીટીક્સ કંપનીએ ઓક્ટોબર મહિનાનો રિપોર્ટ બહાર પાડ્યો છે. જેનું પૃથ્થકરણ દર્શાવે છે કે તમામ કેટેગરીમાં સરખામણી બાદ સોનુ સુદ ટ્વિટર એન્ગેજમેન્ટમાં 4થા નંબર પર છે.ટ્વિટર એન્ગેજમેન્ટનો જે અભ્યાસ કરાયો હતો તેમાં રાજકારણ, પત્રકારીતા, બિઝનેસ, રોકાણ, સ્પોર્ટસ, ફિલ્મ, બુક રાઈટીંગ, ક્યુલીનરી આર્ટ અને કોમેડી જેવા સેગમેન્ટના ટોપના લોકોના એન્ગેજમેન્ટ વિશે અભ્યાસ થયો હતો.. જેમાં ટ્વિટર એન્ગેજમેન્ટમાં પહેલા નંબર પર પીએમ મોદી, બીજા નંબર પર રાહુલ ગાંધી, ત્રીજા નંબર પર વિરાટ કોહલી અને ચોથા નંબર પર સોનુ સુદ છે..
સોનુ સુદ 2.4 મિલિયન એન્ગેજમેન્ટસ સાથે ટોપ પર છે. જેને બોલીવુડના મોટાભાગના ખાન, કુમાર, અનુપર ખેર, રિતેશ દેશમુખ અને પૂજા હેગડે ફોલો કરે છે

(1:32 pm IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST

  • એસટી તંત્રનો મોટો નિર્ણંય : રાજ્યના ચાર મહાનગરોમાં રાત્રી કર્ફ્યૂને લઇને S.T વિભાગે તમામ રિઝર્વેશન ટિકિટ રદ્દ કરી: હવે મુસાફરોને બસની અંદર જ ટિકિટ લેવી પડશે access_time 11:59 pm IST