Gujarati News

Gujarati News

News of Friday, 25th May 2018

ફિલ્મ યુરી માટે યામી ગૌતમની તડામાર તૈયારી શરૂ

મુંબઇ:અભિનેત્રી યામી ગૌતમે પોતાની આગામી ફિલ્મ યુરીના પોતાના પાત્ર માટે પૂર્વતૈયારી શરૃ કરી દીધી હોવાની માહિતી મળી હતી. આ ફિલ્મ છે યુરી. આગલા વર્ષના સપ્ટેંબરમાં પાકિસ્તાને યુરીમાં સુતેલા ભારતીય લશ્કરના જવાનો પર કરેલા હુમલા પછી ભારતીય લશ્કરે કરેલી સર્જિકલ સ્ટ્રાઇકની કથા આ ફિલ્મમાં વણી લેવામાં આવી છે. આ ફિલ્મમાં વીકી કૌશલ મુખ્ય રોલ કરી રહ્યો છે જેણે તાજેતરમાં મેઘના ગુલઝારની ફિલ્મ રાઝીમાં પાકિસ્તાની લશ્કરી અધિકારીનો રોલ કર્યો હતો. યુરી ફિલ્મમાં યામી એક ઇન્ટેલિજન્સ ઑફિસર (ગુપ્તચર અધિકારી)નો રોલ કરે છે અને એ માટે એણે ફિટ દેખાવાનું છે. એ માર્શલ આર્ટ્સની તાલીમ પણ લઇ રહી હોવાનું જાણવા મળ્યું હતું. યામી જે પાત્ર ભજવવાની છે એ ભારતીય લશ્કરને સર્જિકલ સ્ટ્રાઇક કરવામાં સહાય કરે છે એવું કથામાં વણી લેવામાં આવ્યું છે. યામીની નિકટનાં સૂત્રોએ કહ્યુ કે યામીએ એક્સપર્ટ ટ્રેનરની સલાહ અનુસાર ડાયેટ અને વર્ક આઉટ શરૃ કરી દીધાં હતાં.
 

(4:42 pm IST)
  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • રાજકોટમાં વોકહાર્ટ હોસ્પિટલમાં 24 વર્ષના યુવાન હાર્દિક હડિયા બ્રેઇનડેડ જાહેર :અંગદાનનો નિર્ણય બાદ રાજકોટના ઇતિહાસમાં સૌપ્રથમ વાર ગ્રીન કોરિડોરની વ્યવસ્થા :એર એબ્યુલન્સથી પાંચ વ્યક્તિને નવજીવન મળશે :મૂળ લીલાખાનાં યુવકના આંખ,કિડની,હૃદય,સહિતના અંગોની દાન કરાયું access_time 12:59 am IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST