Gujarati News

બેન્ગલોર, તા. ર૪ : અવારનવાર વિવાદિત નિવેદનોથી ચર્ચામાં રહેનાર ફિલ્મ અભિનેતા પ્રકાશ રાજે રામલીલાની સરખામણી પોર્ન ફિલ્મો સાથે કરીને કરોડો હિન્દુઓની લાગણી દુભાવી છે.

એક ન્યુઝ ચેનલના કાર્યક્રમમાં પ્રકાશ રાજે કહ્યું હતું કે રામલીલામાં હેલિકોપ્ટરને પુષ્પક વિમાનમાં ખપાવાય છે. ત્રણ મોડલ રામ, લક્ષ્મણ અને સીતા બનીને આવે છે. હાજર લોકો તેમની પૂજા કરે છે. આ દેશમાં હું આ બધું જોવા નથી માગતો. આ વાહિયાત છે.

પ્રકાશ રાજે એન્કરના સવાલના જવાબમાં કહ્યું હતું કે, લોકો આ બધું જોઇને વોટ આપે છે એવું તમે કહો છોતો શું એનો વિરોધ નહીં કરવાનો. લોકો ભલે રામલીલાને સમર્થન આપતા. શું બાળકો પોર્ન ફિલ્મો જુએ છે તો તમે બાળકોને જોવા દેશો. બન્ને સમાજ માટે હાનિકારક છે.

એન્કરે વળતો સવાલ કરતાં કહ્યું હતું કે, તમે રામલીલાની તુલના પોર્ન ફિલ્મો સાથે કરી રહ્યા છો ત્યારે એકટરે કહ્યું હતું કે રામલીલા સમાજ માટે યોગ્ય નથી, એનાથી લઘુમતીઓમાં ડરનો માહોલ પેદા થાય છે. મને ખબર છે કે શું સંસ્કૃતિ છે અને શું નથી. મંદિર જવું સંસ્કૃતિ છે, પછી લોકો સામે આવું નાટક શું કામ. રામ, સીતા અને લક્ષ્મણને હેલિકોપ્ટરથી લાવવા સંસ્કૃતિ નથી. જોકે પ્રકાશ રાજના આ નિવેદન બાદ સોશ્યલ મીડિયા પર લોકો ભડકી ઉઠયા છે. લોકોની ધાર્મિક લાગણી દુભાવવા બદલ તેની ધરપકડની પણ માગણી થઇ રહી છે.