Gujarati News

સિધ્ધાર્થ કપૂર, શ્રધ્ધા કપૂર અને રિતેશ દેશમુખની ફિલ્મ એક વિલન જબરદસ્ત સફળ રહી હતી. હવે મોહિત સૂરી અને એકતા કપૂર મળીને એક વિલન-૨ બનાવી રહ્યા છે. આ ફિલ્મ માટે મોહિતના પ્રિય અભિનેતા આદિત્ય રોય કપૂરને પસંદ કરી લેવાયો હતો. પણ તેણે ફિલ્મ છોડી દીધી હતી. હવે આ ફિલ્મમાં જોન અબ્રાહમ અને અર્જૂન કપૂરની એન્ટ્રી થઇ છે. આ બંને એક બીજા સામે ટક્કર લેતાં જોવા મળશે. આદિત્યએ ફિલ્મ કરવાનું માંડી વાળતા તેની જગ્યાએ અર્જૂનને લેવામાં આવ્યો છે. અર્જૂનની પાછલી ફિલ્મો બોકસ ઓફિસ પર ખાસ કમાલ દેખાડી શકી નતી. આ કારણે હવે તેને એક હિટની ખાસ જરૂરી છે. હાફ ગર્લફ્રેેન્ડમાં અર્જૂન અને મોહિત સાથે કામ કરી ચુકયા છે. આ કારણે બંને એક બીજાને સારી રીતે જાણે છે. ૨૦૧૪માં આવેલી એક વિલને તે વખતે સો કરોડની કમાણી કરી હતી અને ફિલ્મી પંડિતોને ચોંકાવી દીધા હતાં. અર્જૂન અને જોન રિતેશ-સિધ્ધાર્થ જેવો જાદૂ જગાવશે કે કેમ તે જોવું રહ્યું. તારા સુતારીયા અને દિશા પટાની પણ મુખ્ય રોલમાં છે.