Gujarati News

બોલીવૂડ અભિનેતા જોન અબ્રાહમની આગામી ફિલ્મ 'સત્યમેવ જયતે'માં ૯૦ના દસકની ફિલ્મ સિર્ફ તુમનું એક ગીત 'દિલબર...દિલબર...' રિમેક અંદાજમાં જોવા મળશે. સિર્ફ તુમમાં આ ગીત સંજય કપૂર અને સુસ્મિતા સેન પર ફિલ્માવાયું હતું અને ખુબ હિટ નિવડ્યું હતું. હવે આ ગીત પર અભિનેત્રો નોરા ફતેહી અભિનેતા જોન અબ્રાહમ સાથે ડાન્સ કરતી જોવા મળશે. નોરાએ ટ્વિટર પર લખ્યું હતું કે એક શાનદાર ગીત આવી રહ્યું છે. ૧૯૯૦ના દસકના આ ગીતનું મેં જોન સાથે શુટીંગ પુરૂ કરી લીધું છે. હું ખુબ જ ઉત્સાહિત છું, આ ગીત બધાને ખુબ ગમશે તેવું લાગે છે.  નિર્દેશક મિલાપ ઝવેરીની આ ફિલ્મનું શુટીંગ પુરૂ થઇ ગયું છે.  આ ફિલ્મ ૧૯ સપ્ટેમ્બર-૨૦૦૮ની એક સત્ય ઘટના પર આધારીત છે. એ દિવસે દિલ્હીના બાટલા હાઉસમાં ઇન્ડિયન મુઝાહિદ્દીનના આતંકવાદીઓ સામે અભિયાન ચલાવાયું હતું.